fbpx
December 03, 2022

Ultimo funccionnan di e obra unico E Cash’i Magico

Share on Facebook
Share on Whatsapp
0
0
Ultimo funccionnan di e obra unico E Cash’i Magico
Ultimo funccionnan di e obra unico E Cash’i Magico


E Cash’i Magico, e obra teatral cu musica di Cas di Cultura, cu ta anda cu e topico di bullying, sea bo mes, stima bo mes y acepta otro, lo conoce su ultimo funcionnan dia 27 di November pa 3:00 pm y 6:00 pm. Esaki ta un oportunidad cu mayor por tuma, pa habri e conversacion di topiconan cu nan yiunan, di 6 aña bay ariba, cu tin biaha no ta facil pa start. Kico kiermen tolerancia, kico kiermen stima bo mes, kico kiermen tin gusto diferente cu e otronan y con nos por prepara nos yiunan pa ta hoben y despues adulto cu ta acepta y respeta su prohimo, a pesar cu e ta un persona ful diferente cu’ne. 

E Cash’i Magico ta bou direction di Joan Danies, cu den pasado a yegi traha e obra Trevia e Garado di Djaka. E storia ta scribi pa Angelo Angela, docente di scol y maestro di CKV. Composion y areglo ta den man di Zulaika Geerman.

Cas di Cultura ta hopi contento cu por presenta e obra aki pa 1000 mucha caba.

Tin un kleurwedstrijd mara n’e show aki. Riba Facebook di Cas di Cultura por wak’e y download’e. Mande e pintura bek via Facebook of trece na Cas di Cultura. E kleurplaat mas bunita ta gana 4 carchi pa e Cash’i Magico. Deadline pa entrega esaki ta dia 23 di November.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.