fbpx
November 29, 2022

Investigacion den ful swing: Malversacion grandi den CAPA

Share on Facebook
Share on Whatsapp
0
0
Investigacion den ful swing: Malversacion grandi den CAP
Investigacion den ful swing: Malversacion grandi den CAP


Ainda e sospechosonan principal no ta deteni, pero e investigacion ta andando y e prome posibel sospechoso ta un empleada di fam J.  Por spera detencion un ora pa otro y probablemente otro detencionnan di hendenan directamente yega na dje of rond di dje cu a yuda pa e malversa un suma grandi di e fondonan di Cooperativa di Ahorro y Prestamo Aruba (CAPA).

Ta trata aki di un union di credito, specialmente pa e miembronan di sindicato SEPPA, e organisacion di trahado mas grandi bou di empleadonan publico y companianan estatal. Ta bon pa accentua cu SEPPA y CAPA cada un tin un directiva y un hunta di supervsion separa y diferente for di otro, pa por garantisa un bon nivel di supervision y administracion di e fondonan. Aunke tin un keho emtrega di malversacion, ta bon pa subraya, cu e placa cu tur miembro ta spaar ta garantisa!

Tur miembro di C.A.P.A. por bin na remarca pa un prestamo, te cu un maximo di Awg. 20.000,= dependiendo e saldo di spaar. Pa solicita pa un prestamo e miembro mester tin minimo 5 luna ta spaar den C.A.P.A. Cu un payslip di e luna anterior, un identificacion valido, ya bo peticion ta bay aden.

E empleada di fam J. tin como un aña trahando na bali y ta hinca tur informacion di banco di e miembronan. Ta calcula cu e lo a malversa entre 100 pa 200 mil florin! P’esey ta investigando pa yega na e ladronnan y pa por constata ken mas ta envolvi entre e trahado J. di CAPA, te cu banco unda e fondonan ta deposita. E trahado so no por a logra esaki sin yudansa di otro. Pesey tur esunnan cu a yuda y gosa di e suma grandi horta, mester bay duna cuenta. 

Como un Credit Union, C.A.P.A. tin un organisacion cu ta consisiti di un Directiva, Comision di Credito y un Comision di Supervision. E trabao administrativo y financiero pa C.A.P.A. ta den man di trahadonan di C.A.P.A mes. Na final di cada trimester Directiva C.A.P.A. ta manda su relato financiero na Banco Central di Aruba, pa e por haci e control necesario. C.A.P.A. ta cay bao di L.T.K. (Landsverordering Toezicht Kredietwezen). Banco Central di Aruba ta percura pa Directiva C.A.P.A. cumpli cu e stipulacionnan den L.T.K. Segun exigencianan den e L.T.K., na final di cada aña un Register-Accountant mester certifica e cuentanan anual di C.A.P.A. E procesonan aki ta un garantia cu e placa di e miembro di C.A.P.A. ta sigur.

E empleada a haci un biahe caro pa exterior y asina cu el a regresa, tabata net cu a descubri e malversacion, pa cual a kit’e fo’i trabou “op staande voet”. Esaki a sosode luna pasa caba. E no a spera cu a gar’e y probablemente tabatin den su mente cu por a sigui probecha di e buraco den sistema di control y biba un bida miho di locual e por cu su salario. Parce cu su pareha no ta traha tampoco, pues ta “lift” riba e cuenta di “biba lekker” cu placa di CAPA.

Ta lamenta cu ta duna un Rubiano trabou y ta probecha pa malversa. Awor e propio directiva di CAPA tambe mester duna cuenta na esun di SEPPA pa asina splica unda tabatin fayo, te cu un trahado fam J. por a malversa un suma asina grandi, sin cu a gar’e mesora. Esaki sin duda ta bira un caso interesante cu awor ta den pleno proceso di investigacion. Ya a haci denuncia oficial na autoridad hudicial y ta cuestion di dia of oranan pa e prome detencion por cuminsa cay!

Na CAPA tur miembro por spaar un minimo di Awg. 25,- pa luna. Pero, contrario na tur banco, na CAPA ta paga un interes mas halto cu tur otro instituto financiero na Aruba. For di saldo faborabel, na final di cada aña por yega na porcentahe(nan) mas halto. Ta deduci e suma di spaar mensualmente for di e salario di e miembro.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.