fbpx
November 28, 2022

Marco Berlis (MEP): Miguel Mansur t’un miyonario sin sentimento pa pueblo

Share on Facebook
Share on Whatsapp
0
0
Marco Berlis (MEP): Miguel Mansur t’un miyonario sin sentimento pa pueblo
Marco Berlis (MEP): Miguel Mansur t’un miyonario sin sentimento pa pueblo


Diamars mainta Parlamento di Aruba a trata e ley di presupuesto supletorio. E ley aki ta duna parlamento un bista con gobierno a uza e placa di presupuesto 2022. Durante e trato di e ley aki, Mansur duna di conoce su postura con e lo baha e gastonan di personal di gobierno, si e tabata sinta den e stoel di minister. No ta prome biaha cu Mansur a expresa esaki. El a grita cu tin cu elimina LMA. Dicon? Pasobra esey lo dun’e un autoridad total pa haci y deshaci cu ambtenaarnan y profesionalnan cu ta traha pa nos dushi pais Aruba segun Marco Berlis di MEP.

Mas a leu Marco Berlis a duna di conoce cu e docentenan cu ta duna les na scol, mama cu tatanan cu ta sirbi den diferente departamentonan crucial di nos pais, cu ta traha duro pa pone pan riba mesa y cria nan famia, hopi lo perde trabou segun pensamentonan y expresionnan haci di Mansur. Esaki ta e famoso vision di Mansur pa nos pais. Un miyonario sin sentimento pa e pueblo cu ta bastante indigna cu e ambtenaarnan di pais Aruba. 

Miguel Mansur contra pa ambtenaar haya e 12.6% bek

P’esey no ta nada straño cu Mansur cu ta yama su mes un representante di pueblo, ta scoge pa masacra ambtenaarnan sin misericordia! Mansur a vota contra di e dunamento bek di e 5%, cual a duna bek na ambtenaarnan na juli 2022 y tambe contra e 7.6% cu lo duna bek na januari 2023. Mi no kier ni imagina kico Mansur lo haci si un dia e mester drenta gobierno di Aruba. Corda pueblo di Aruba, m’a taha! 

Miguel a pidi un lista di ambtenaar

Adicionalmente, Mansur a pidi un lista di tur ambtenaarnan, durante di e reunion publico. Mansur kier wak e nombernan y e cantidad di ambtenaar cu tin den e aparato gubernamental, pa wak kende por kita. Mansur a sigui elabora cu 1500 ambtenaar mester bay for di e aparato publico. Segun Mansur mester mandanan bay traha den e sector priva. Despues di un rato, el a reitera cu e kier haci esaki gradualmente. Na diferente ocasion mientras Minister Xiomara Maduro tabata papia y menciona su nomber, Mansur a bisa tur e cosnan aki. Mansur cu no tin ningun experiencia den gobernacion awor kier bin pretende cu gobierno mester reduci e aparato gubernamental cu 1500 hende. Ta kende tur e lo kier kita, mirando e kier e lista di nombernan di tur ambtenaar?

Manera m’a bisa biaha pasa; “Miguel, bo no ta trahando den un negoshi, ta cu hende gobierno ta traha. Hende cu tin famianan, gastonan, soñonan, metanan y luchanan. Kita LMA, exigi lista di ambtenaar, vota contra 12.6% pa ambtenaar, kita 1500 ambtenaar, esey ta bo solucion? No tin otro manera con pa acapara cu e problemanan di nos pais? Pueblo saca bo som!”

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.