fbpx
November 28, 2022

Ryçond Santos do Nascimento: Gobierno gusta troc’e berdad y bin cu argumento sin base

Share on Facebook
Share on Whatsapp
0
0
Ryçond Santos do Nascimento: Gobierno gusta troc’e berdad y bin cu argumento sin base
Ryçond Santos do Nascimento: Gobierno gusta troc’e berdad y bin cu argumento sin base


Siman pasa a cuminsa cu e tratamento di presupuesto di pais Aruba pa 2023. Un presupuesto cu segun oposicion, ta uno ficticio. Un presupuesto, cu riba papel ta anticipa un surplus di 1%. Esey ta facil riba papel, pero cu mester ehecuta tur e cambio y e reformanan pa por logra. No ta imposibel, pero lo rekeri curashi y wes’i lomba politico.

Pero loke semper a caracterisa e reunionnan publico aki ta e falta di seriedad, e falta di nivel pa trata algo asina importante, manera ta presupuesto di pais Aruba 2023. No tabata tin un dia cu e minister- y e parlamentarionan no a lansa critica contra e parlamentarionan di AVP, ta loke e parlamentario di partido AVP, mr. dr. mr. dr. Ryçond Santos do Nascimento a cuminsa ta bisa. Pero mester accentua cu Gobierno ta gusta troce un cos y bin cu argumento cu no ta cuadra.

Riba e ponencia cu ora cu bin cu presupuesto nobo, mester di conseho di Raad van Advies. Pero ora cu ta trata di e parti di entrada, no mester. Esey ta nifica cu ora Gobierno kier hinca man den bo cartera, e no mester di conseho, cual ta un ridiculez di marca mayor.

Tambe e parlamentario a sigui bisa cu nan a manda un carta di protesta na Minister Presidente, mr. Evelyn Wever-Croes y Minister di Finansa, mr. Xiomara Maduro, unda cu a manda pidi un reunion publico, cual nan a nenga. Esaki ta contra di nos constitucion.
A manda e ultimo carta tambe pa State-General (Parlamento di Hulanda), pa Rijksministerraad, pa Staatssecretaris drs. Alexandra van Huffelen y tambe pa S.E. Gobernador di Aruba. Nan ta haci uzo di e henter e arsenal c’un parlamentario tin na su disposicion

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.