fbpx
December 08, 2022

Shailiny Tromp-Lee (MEP): Reduccion di deficit ta refleha un maneho financiero responsabel

Share on Facebook
Share on Whatsapp
0
0
Shailiny Tromp-Lee (MEP): Reduccion di deficit ta refleha un maneho financiero responsabel
Shailiny Tromp-Lee (MEP): Reduccion di deficit ta refleha un maneho financiero responsabel


Dia 13 di april 2022 Parlamento di Aruba a aproba presupuesto di pais Aruba pa aña 2022. Un presupuesto cu e tempo ey tabata refleha un deficit di 227,5 miyon. Dia 5 di september 2022 nos a trata e Najaarsnota y na mes momento e dia aki gobierno a duna un raportahe extensivo con ehecucion di maneho ta bayendo, kico ta e retonan cu nos pais tin y kico ainda nos tin den tapara. Alabes Gobierno a anticipa durante e reunion aki caba riba e ahustacionnan di presupuesto cu nos a trata diamars 14 November 2022.

Na Parlamento a keda presenta dia 26 di october 2022 un Presupuesto Supletorio caminda a rebaha e deficit di 227,5 miyon anteriormente presupuesta pa 148 miyon, cual ta un reduccion di 79,3 miyon. Un trabou hopi grandi gobierno a realisa den un aña yena di presion y turbulencia. Adicionalmente, na inicio di e reunion publico, mediante un nota di cambio, un biaha mas Gobierno ta demostra cu, conhuntamente cu nos profesionalnan, trabou duro a keda tuma luga caminda e deficit di 148 miyon a keda reduci un tiki mas, esta te cu 92 miyon. Un extra rebaho di 56 miyon florin. 

E logro aki ta refleho di un maneho responsabel den un pandemia cu a impacta nos grandememte, memey di un situacion yena di reto y insiguridad door di entre otro e guera na Europa, scarsedad di producto, crisis di energia, inflacion mundial y negociacion nan cu Hulanda. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.