fbpx
November 29, 2022

Alvin Molina (MEP): Involucra e Vereniging Rijscholen Aruba den proceso di renobacion pa cu rijbewijs  

Share on Facebook
Share on Whatsapp
0
0
Alvin Molina (MEP): Involucra e Vereniging Rijscholen Aruba den proceso di renobacion pa cu rijbewijs  
Alvin Molina (MEP): Involucra e Vereniging Rijscholen Aruba den proceso di renobacion pa cu rijbewijs  


Siguridad den trafico mester ta e meta primordial di esunnan cu ta duna rijles na nos ciudadanonan. Instructornan, mescos cu docentenan na scol, ta responsabel pa un bon preparacion di nan alumnonan.

Den un reunion di comision di husticia a bin na cla cu siguridad den trafico ta prioridad di Vereniging Rijscholen Aruba (VRA). Thomas Ruiz, presidente di VRA a expresa su preocupacion pa cu e 1000 dalmento pa luna cu tin na Aruba. Tin varios punto cu mester traha riba dje pa minimalisa e cantidad aki. Entre otro e examen anterior no ta actual mas, ni teoria, ni e practica, e no ta un bon indicacion si un persona di berdad ta bon prepara pa participa den trafico. Tin exigencia den e examen y den e les materiaal cu no ta basa riba ley. Fraude cu a tuma luga, unda hende por a ricibi rijbewijs sin ta cualifica, tin un efecto negativo riba siguridad den trafico. Tin algun caretera pa  adapta y pinta miho.

Ruiz a expresa cu e hendenan special, cu no por expresa nan mes por escrito, mester por haci un examen oral (mondeling) y tambe cu mester ta posibel pa haci examen den diferente idioma. E ta splica e importancia pa VRA ta envolvi den e trayectorio pa renoba e proceso pa cu rijbewijs, e asina yama ‘verzelfstandiging examen rijbewijzen’. Instructornan tin hopi aña di experencia y conocemento pa cu trafico na Aruba. Ta bon pa Hulanda yuda nos cu e proceso, pero no por djis tuma over tur cos di Hulanda sin tene cuenta cu nos situacion local.

Durante un reunion publico mi a trece e punto aki dilanti. Nos Minister di Husticia Rocco Tjon a splica cu na e momento aki tin un team trahando riba e inrichting/organisacion di un Bureau Examen Rijbewijzen. El a compronde y tambe a mira e importancia di e puntonan treci dilanti door di VRA.

Minister lo percura pa involucra VRA ora yega e momento pa cuminsa traha riba ley y e contenido di rijles/rij examen.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.