fbpx
December 08, 2022

Tin un persona deteni: Entrada hudicial pa droga y arma na Paradijswijk

Share on Facebook
Share on Whatsapp
0
0
Entrada pa droga y arma na Caya Frere Arnold 10
Entrada pa droga y arma na Caya Frere Arnold 10


Un team special di polis a haci un entrada hudicial na Caya Frere Arnold 10. Prome cu e team a drenta a yega e team di aresto cu a prepara y sigura e area pa e team buscando droga y arma por drenta.

Basta recherche a presenta y na momento cu nan a yega, e team di aresto a bandona e sitio. Tin un sospechoso deteni, un hende homber di inicialnan: C.C.C.M. naci na Colombia di 28 aña di edad, pa bendemento di droga. A coba/ rista den e apartamento y tambe den un auto para dilanti di e cas.

Tabata busca droga y arma. Esaki ta team special cu ta atende cu droga na casnan. E sospechoso den e caso aki ta un persona conoci pa husticia, cu den pasado tabata relaciona cu arma di candela. Pa e motibo aki mes a opta di haci e entrada hudicial aki cu e team di aresto. E personal di Ministerio Publico tabata presente.

Durante razzia a logra confisca basta droga como tambe e vehiculo. Cuerpo Policial di Aruba ta sigui apela na e comunidad pa haci uzo di nan tiplijn, cu ta: 11141 si acso tin cualkier informacion y ta garantisa anonimato.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.