fbpx
December 08, 2022

Polis a drenta Bushiri pa busca scooter horta

Share on Facebook
Share on Whatsapp
0
0
Polis a drenta Bushiri pa busca scooter horta
Polis a drenta Bushiri pa busca scooter horta


Diaranson anochi polis a presenta den Bushiri en buskeda di un scooter horta. Siman pasa un doño di un scooter a entrega un keho oficial na polis pa ladronicia. A horta un scooter na Bubali den oranan di marduga. Despues di a entrega keho, e doño mes a cuminsa cu su investigacion pa cual a ricibi un tip cu a mira e scooter den Bushiri.

A topa cu polis pa djey sali hunto pa Bushiri. Na nan yegada a topa cu un habitante di e apartamento unda a señala e scooter. Mirando cu polis no tabatin un ordo di fiscal pa drenta cas di hende, a pidi cooperacion y autorisacion for di habitante pa nan por drenta. Segun e habitante, e no a horta ningun scooter y e ta traha duro pa yega na su cosnan.

E no tin nada di sconde y a habri e apartamento pa polis drenta numa. E persona cu a entrega keho pa ladronicia di scooter, a inspecciona e scooter pero no por confirma cu esey ta di dje. E habitante di e apartamento tabata cambia su version na varios ocasion. Polis a opta pa confisca e scooternan y hiba nan warda pendiente investigacion. A notifica personal di recherche di e caso aki. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.