fbpx
December 03, 2022

Ricky Hoek (MEP): Tur parlamentario ausente lo keda sin cobra

Share on Facebook
Share on Whatsapp
0
0
Ricky Hoek (MEP): Tur parlamentario ausente lo keda sin cobra
Ricky Hoek (MEP): Tur parlamentario ausente lo keda sin cobra


For di dialuna 7 di november te cu dialuna 14 di november ultimo, Parlamento di Aruba a cuminsa cu e tratamento di e ley di presupuesto 2023 di pais Aruba. Un siman completo a pasa y ni un dia e dies parlamentarionan di banda di oposicion a debati riba dicho ley. 

Na inicio di e reunion publico, e lider di fraccion di AVP Mike Eman a pidi un punto di ordo pa desbarata e ley di presupuesto 2023. Mike kier a bruha tera y malinforma pueblo cu e ley di presupuesto 2023 no a haya e conseho di Raad van Advies y di CAFT. Esaki eroneamente no ta corecto, pasobra tanto Directie Wetgeving en Juridische Zaken (DWJZ), y CAFT a bisa den un carta y publicamente cu e presupuesto no mester pasa den un di dos ‘toetsing’ y cu e ley di presupuesto ta conforme ley. 

Sinembargo, despues cu lider di AVP a keda nenga su ponencia durante su punto di orden, tanto lider fraccion di Accion21 y parlamentario di MAS tambe a bisa di no ta sostene e ley di presupuesto 2023. Esaki a resulta den un sala completamente bashi na banda di oposicion.

Riba 11 di juli 2013, fraccion di AVP durante un reunion publico a entrega un mocion cu ta bisa exactamente asina aki: ta urgi Parlamento di Aruba pa exigi presencia di tur miembro di Parlamento di Aruba na pia di trabou, pa tur aspecto di nan trabou, sigur ora tin tratamento di e reunionnan publico. E Parlamentarionan cu no ta presente na e reunionnan publico, no por cobra pa e oranan di trabou no cumpli. 

Di e manera aki, fraccion di AVP a presenta e mocion aki den un reunion publico, pero awe nan mes, na 2022 (y varios aña anterior tambe) no ta duna e bon ehempel y ta laga pueblo di Aruba cay. No ta sali na defensa di nan sostenedonan ni e pueblo henter di Aruba. Mester condena fraccion di AVP, MAS y Accion21 cu nan no ta presenta un siman largo trabou y e mocion ‘No work, no pay’ ta aplica completamente pa nan. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.