fbpx
December 07, 2022

Tienda di Educacion a tene un anochi informativo pa mayor y mucha

Share on Facebook
Share on Whatsapp
0
0
Tienda di Educacion a tene un anochi informativo pa mayor y mucha
Tienda di Educacion a tene un anochi informativo pa mayor y mucha


Tienda di Educacion ta felicita tur nos muchanan ariba Dia Internacional di Derecho di Mucha. Dia 20 November 2022 ta conmemora cu 33 aña pasa, na 1989, Nacionnan Uni a firma e tratado di Derecho di Mucha. Derecho di Mucha ta resorta bou di Derecho Humano Universal.

Durante ful e siman aki a organisa diferente actividad en conexion cu e siman di lantamento di mucha. Tienda di Educacion cu ta forma parti di e comision a tene un actividad diaranson ultimo na Neptali Henriquez Park.

Riba e dia aki nan a para keto na Playful Parenting, unda cu a para keto riba e importancia di hungamento. Hopi biaha no ta para keto na esaki cu ta un parti hopi esencial di e desaroyo di mucha. Rhomyko Winklaar, director di Tienda di Educacion, den cuadro di Siman di Lantamento di Mucha, nan a tene un tayer na Neptali Henriquez Park, a trece esaki den un forma di wega, door di hunga cu e muchanan, ya cu ta di esey el a trata. E mayornan a gosa y tambe a ricibi informacion. Fundacion Pa Nos Muchanan tambe a colabora cu Tienda di Eduacion pa asina haci di e dia aki uno exitoso.

Ta calcula cu mas di 25 mucha y mayor a atende, ya cu e tabata un actividad di porta habri (open door) y na dado momento a ripara cu tur e mesanan tabata yen. E tabata un actividad caminda cu tanto e mucha como e mayornan a gosa un mundo.

Ta importante pa conscientisa riba hungamento. Tecnologia a tuma over asina hopi cu constantemente (nos) tur ta riba e celular of tablet/computer constantemente y ta lubida riab e parti di desaroyo di e muchanan.

Durante e tayer e muchanan tabata por a traha cu klei, pa stimula e muchanan pa siña fula cu nan dedenan, pa traha algo for di nada. Ta algo facil, traha cu klei y ta algo cu e mayornan por yuda e muchanan cu ne na cas.

Lanta un mucha por tin su desafionan, unda cu e servicio di 161, esaki ta anonimo. E mucha lo por haci su pregunta y esaki lo keda anonimo.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.