fbpx
December 07, 2022

Digicel a introduci su campaña di fin di aña

Share on Facebook
Share on Whatsapp
0
0
Digicel a introduci su campaña di fin di aña
Digicel a introduci su campaña di fin di aña


Digicel Aruba kier duna bek n’e comunidad di Aruba y cu e campaña aki kier duna bek pa shete siman largo via nan premionan, nan descuentonan, nan paketenan y tur e bundlenan cu nan tin.

Lizzi Arends ta Marketing Executive di Digicel Aruba, a comenta cu slogan di e campaña aki ta ‘E regalo di tempo’. Esaki pa Digicel ta algo sumamente emocional, mirando cu a cera un temporada pa tres aña largo den comunidad di Aruba cu tabata hopi fuerte y hopi emocional, cu tristesa y alegria.

Despues di a sinta hopi cu e team, a bin cu e slogan ya menciona, cu ta algo asina bunita cu por duna e ser keri, e famia, e miho amigo, no tin nada mas bunita cu ta tempo.

CON PA PARTICIPA

Cada florin ta un ticket, segun Arends. Si abo como cliente di postpaid a paga bo cuenta, a upgrade e bundle, a upgrade e roaming, a haci cualkier uzo den MDA-Digicel Add, bo ta participa n’e campaña cu ta 10 mil dollar na premio.

Cada florin cu bo gasta, ta un ticket, cu bo lo haya pa bay den e tombola di e campaña. Si abo tin un postpaid plan, esta cu bo ta paga tur fin di luna, automaticamente bo nomber y e suma cu abo ta gastando ta bay den e tombola.

P’e clientenan cu ta gusta top up (pre-paid), cada biaha cu activa e bundle, cualkier cu ta, automaticamente bo ta bay tambe den e tombola di premio, cada florin ta un ticket. Si haci un yamada, esaki automaticamente tambe ta bay den tombola di premio, unda cu tur siman ta saca dos ganado cu por bay den e cashvault.

E cashvault ta 10 mil dollar na premio. E bon noticia ta, cu Digicel no kier keda cu ne. Kier duna e comunidad di Aruba e premionan aki, partie pa hunto cu famia, amistad y conoci, por pasa e regalo di tempo cu nan.

E promocionnan cu ta lansando entrante 18 di november, ta entre otro 25% riba tur smartphones cu ta den tienda. Si abo pasa entrante 18 di november y cumpra un smartphone, automaticamente bo ta haya 25% riba esaki. Esaki ta solamente un di e promocionnan cu tin.

Otro promocion cu tin ta cera e plan di postpaid di 140 florin y Digicel ta regala un telefon gratis. Y asina ta sigui saca diferente promocion cu lo carga henter e simannan cu lo hiba nos te cu 6 di januari, dia cu e campaña cera.

E puntonan di contacto unda cu e consumidornan por haya sa mas di e promocionnan, mas di e campaña lo ta riba Facebookpage di Digicel Aruba. Lo tin un highlight button riba nan cuenta di Instagram cu e cliente por click y haya tur informacion y tambe via nan customer care number, por yama pa cualkier pregunta. Tambe por pasa na cualkier di Digicel Store p’asina por haci pregunta, paga e cuenta, cumpra un smartphone nobo, cera un contract. E team di sales lo t’ey presente pa yuda cualkier cliente cu pasa.

E PREMIONAN

Manera indica, tin 10 mil dollar na premio den e cashvault. Automaticamente si abo como consumidor paga e cuenta, bo nomber lo bay den tombola di premio. Tur diabierna lo yama e prome ganado p’asina bin drenta den e cashvault e siguiente dia riba diasabra. Tur diasabra e retailstore lo bay tin e cashvault activa, unda cu ta gana tempo den e cashvault. Mas placa cu gara, mas placa bo por gana.

E biyetenan cu lo tin ta bulando den e cashvault lo ta 1, 5, 10, 50, 100 dollar. Digicel lo regala tempo p’asina abo por drenta e cashvault y gara mas hopi cu por.

Digicel ta gradici un y tur cu ta forma parti dje team, esta prensa, influencer, etc., cu ta bay splica, conta Aruba henter kico Digicel ta biniendo cu ne.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.