fbpx
December 08, 2022

Secretario di Estado Van Huffelen na caminda pa Aruba

Share on Facebook
Share on Whatsapp
0
0
Secretario di Estado Van Huffelen na caminda pa Caribe Hulandes
Secretario di Estado Van Huffelen na caminda pa Caribe Hulandes


Alexandra van Huffelen, Secretario di Estado di Relacionnan den Reino y  Digitalisacion for di 20 te cu 25 di november ta bishita Sint Maarten, Corsou, Aruba y Boneiro. Secretario di Estado ta papia cu mandatarionan y lo bishita e diferente proyectonan. 

Asina e lo bishita e National Recovery Program Bureau y e informa su mes tocante e topico di landfill/ sitio di deposita sushi na Sint Maarten. Na Corsou, Secretario di Estado ta papia cu e representantenan di Climate Change Platform (Plataforma cambio di clima) y Profound, un organisacion Caribense relativamente jong den sector di IT. Tambe e lo tene un encuentro cu Caribbean Research and Management of Biodiversity (Carmabi) riba programa unda cu e lo hiba combersacion tocante e desaroyo di agricultura innovativo. 

Na Corsou tambe representantenan di e paisnan y e otro islanan den e parti Caribense di Reino ta bini hunto pa hunto cu Secretario di Estado bay den combersacion tocante e historia di sclavitud. Nan ta papia e ora ey entre otro tocante con pa duna contenido na e aña conmemorativo di sclavitud den 2023. 

Secretario di Estado na Aruba ta bishita e Archivo Nacional Aruba (ANA). E biahe ta clausura na Boneiro, caminda Secretario di Estado entre otro lo bishita esunnan perhudica dor di e molester di awa recien y lo haya splicacion di e situacion di e damnan.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.