fbpx
December 04, 2022

Marco Berlis (MEP): Pabien n’e hende homber riba Dia Internacional di Hende Homber

Share on Facebook
Share on Whatsapp
0
0
Marco Berlis (MEP): Pabien n’e hende homber riba Dia Internacional di Hende Homber
Marco Berlis (MEP): Pabien n’e hende homber riba Dia Internacional di Hende Homber


Dia 19 di november ta Dia Internacional di Hende Homber. Desde akinan, mi kier a expresa un pabien grandi na tur hende homber riba nan dia special. Mi ta kere cu ta asina importante pa sigui reconoce y celebra e dia aki di hende homber. Hende homber ta pilarnan den nos comunidad y cabes di nos famianan. 

E hende homber ta hopi biaha e forsa y proteccion den e famia. E ta ocupa su mes mayoria di biaha pa yuda y inverti den su famia y otronan, pero no ta mucho exigente pa su mes ricibi algo special. Den tur parti di nos comunidad hombernan ehemplar y balente ta traha duro pa nan famia pero tambe pa nos bay dilanti como pais. E ta corecto pa nos sigui reconoce nan pa nan bon ehempel, liderazgo y aporte den tur area di bida y nos sociedad.

Dia Internacional di Hende Homber apenas a cuminsa como un idea di Thomas Oaster, riba 8 di februari 1991 y a celebr’e pa prome biaha riba 7 di februari 1992. Lamentablemente, aunke e hende homber ta hunga un rol sumamente importante den nos comunidadnan, ainda Nacionnan Uni oficialmente no ta reconoce e dia importante aki, pero si ta reconoce riba e mesun november 19 aki, e “World Toilet Day”, cual tin di haci cu salubridad mundial. Esaki ta ironico pasobra Nacionnan Uni si ta reconoce e Dia Internacional di Hende Muhe riba 8 di maart.

Sinembargo akinan na Aruba si nos ta reconoce y ta observa e dia special aki. P’esey, laga nos celebra nos tata, nos ruman hombernan, nos amigonan y tur e hende hombernan cu tin un luga special den nos bida y sigui curasha nan pa nan bon trabao, ehempel y inspiracion. Haci algo diferente cu nan riba nan dia special. Pabien n’e cabayeronan!

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.