fbpx
December 02, 2022

Show di talento y moda pa celebra Dia Internacional di Derecho di Mucha

Share on Facebook
Share on Whatsapp
0
0
Show di talento y moda pa celebra Dia Internacional di Derecho di Mucha
Show di talento y moda pa celebra Dia Internacional di Derecho di Mucha


Awe The Chaz Modeling & Talent School tin su show expectacular titula Chaz Shining Stars. Un show cu lo tuma luga den e ballroom di Renassaince Convention Center cu varios presentacion.

Lo tin presentacion di e hobennan artista di entre otro Pitbull Singing Productions cu nan produccionnan di Pasco nobo nobo, entre otro. Y di mes e muchanan modelo, bailarin y super talentoso di The Chaz Modeling & Talent School tambe lo demostra nan talento y tur loke nan a siña henter aña 2022 riba escenario. Lo tin varios baile bon prepara y sin lubida e famoso fashion shownan di e modelonan di Chaz Models cu lo modela trahe di Trash by Ronchi, Cici Boutique, Colling Beachwear y propio disenjonan.

Esaki ta un show cu no por perde, tamb The Chaz Modeling & Talent School ta celebra hunto cu e muchanan Dia Internacional di Derecho di Mucha. Nan lo tin algun anuncia y proyectonan fabuloso cu lo ta presenta na e publico cu e plannan grandi pa e proximo aña. The Chaz Modeling & Talent School ta gradici tur cu a coopera cu e show di Chaz Shining Stars, cual nan ta: Superfood Plaza Aruba, Trash by Ronchi, Pitbull Singing Productions, Pricesmart, Collins Beachwear, Cici’s Choice Boutique, Miniteca Genie, Willems Productions, e alumno- y mayornan, commission di Chaz Models, y tur hende cu di un of otro manera a yuda pa e produccion di e show aki pa nos muchanan por presenta nan talentonan.

Trece e mucha- y hobennan pa nan presencia y bunita show aki y celebra e weekend bunita aki di Dia Internacional di Derecho di Mucha y tambe pa e muchanan kisas lo kier join e scol fantastico aki cu ya pa 24 aña ta produci y guia mucha y hoben talentoso cu e titulonan local y internacional. Nos ta warda pueblo di Aruba.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.