fbpx
November 28, 2022

Un anochi culinario excepcional cu tremendo cuminda y biña na Que Pasa

Share on Facebook
Share on Whatsapp
0
0
Un anochi culinario excepcional cu tremendo cuminda y biña na Que Pasa
Un anochi culinario excepcional cu tremendo cuminda y biña na Que Pasa


No tin nada miho cu combina biña cu un bon cuminda y un bon compania. Pa disfruta di compania y di biña ta bin reforsa tanto p’e experiencia como p’e personanan cu cual ta comparti, como tambe p’e eleccion di e combinacion perfecto. Diasabra, dia 3 di december, e clientenan di Que Pasa Restaurant & Winebar, lo tin e oportunidad pa disfruta di un anochi special durante e ultimo cena di ‘pairing’ di 2022.

E cena extraordinario aki lo presenta na su clientenan un menu di 5 plato (5 course dinner), cada un di nan prepara y ‘paired’ di forma unico.

E prome pairing lo ta un dushi panna cotta di bloemkool cu spuma di tomati seco, kalamata y oleifi crispy. E pairing lo realisa cu un cava Segura Viudas di Spaña. E anochi lo continua cu dos appetizer y su pairing lo ta di Alsacia Francia y Marlborough New Zealand. Siguiendo cu e tradicionnan Italiano, e di dos appetizer, un plato di ravioli, ta un bon manera pa saboria e anochi.

Ravioli, un plato di pasta yena, ta un plato humilde pero importante den e tradicion culinario Italiano. Humilde pa su ingredientenan di keshi y carni of berdura cu ta den un regino concreto y special pasobra e sa prepara cu e sernan keri p’e mesa di bankete durante temporada di Pasco of den un celebracion familiar. Un excelente manera di conoce e tradicionnan cu tin tras di e cuminda y biña di diferente parti di mundo.

Encuanto e plato principal, un filet di pech’i pato levemente huma cu spuma di wortel, risotto di kool cora, Jerusalem artichoke y chips di kale, ta paired cu Serre de Roveri Tinto Barolo Italia cu tin un bon cantidad di fruta cora, pruim, ceder, vanila, licorice y un toke di rosa.

E anochi lo caba cu un dushi lemon sponge pie cu bavarois di apelsina, gel di kalamansi y merengue di vanila. Ta pair esaki cu e excepcional luca bosio Moscato d’Asti Piedmonte Italia.

Asina ta, haci bo reservacion awe mes pa disfruta di un tremendo anochi di biña y cena.

E pairing dinner di diasabra, 3 di december lo cuminsa pa 7:00 pm. Prijs ta di 75 dollar pa persona. Ta necesario reserva. P’e menu y reservacion, bishita quepasaaruba.com of yama 5834888. Que Pasa Restaurant & Winebar ta situa den Wilhelminastraat 18, Oranjestad.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.