fbpx
November 29, 2022

Deaxo Croes: Lama ta keda lama

Share on Facebook
Share on Whatsapp
0
0
Deaxo Croes: Lama ta keda lama
Deaxo Croes: Lama ta keda lama


Diasabra Deaxo Croes a landa di Boneiro pa Corsou, unda pa 3:00 am el a cuminsa cu su hazaña di Crossing for Prevention. Deaxo a landa pa crea conscientisacion pa prevencion di cancer. Diadomingo el a sosega su curpa pa asina regresa Aruba bek hunto cu su team.

Den un entrevista cu Deaxo, el a comenta cu e curpa tabata poco stijf, pero a drenta lama un rato pa los e spiernan. El a conta cu durante e trayecto, e ta percura pa come cos caloria simpel, cos cu ta carbohidrato basa hopi riba sucu y facil pa come. Den awa no tin e zwarte kracht cu ta pusha e sistema digestivo, e ora mester cos cu ta verteer lihe, pero na mes momento ta duna energia.

Na dos ocasion e tabatin dificultad. Riba esaki el a splica manera ta pasa riba tera cu cuminda ta keda para na stoma y ta tarda pa sak, y como no tin e zwarte kracht esaki ta tarda mas den lama. Loke por tarda riba tera dies of diescinco minuut, pero ora ta landa ta tarda mas o menos un ora. Ora di landa door cu tin un cantidad di sanger den sistema, sea e ta bay p’e spier of bariga. Si e stoma para, esey ta bira un prioridad y despues t’e spiernan ta sufri. Como e spiernan no tin suficiente circulacion, esey ta pone cu e velocidad ta cuminsa baha. Esey ta algo cu a pasa den dos ocasion cu Deaxo.

Deaxo Croes: Lama ta keda lama (The Day After)

Deaxo Croes: Lama ta keda lama (The Day After)Click link pa lesa mas: https://24ora.news/3AxpOM9

Posted by 24ora on Sunday, November 20, 2022

TRAYECTO

Pa loke ta e trayecto, lama tabata mustra algo bruto. Segun Deaxo, lama ta keda lama. E ta haya cu te 40 kilometer e lama tabata faborabel, pasobra nan tabata spera cu e dificultad ta drenta asina yega punta di Corsou y esey tabata asina. Aki tabatin e mesclanan di coriente bini hunto y esey a pone cu no tabatin patronchi vast cu por landa door di nan. Esey ta pone cu no por predici kico ola ta haci y a pon’e baha velocidad.

ANIMACION DI ESUNNAN RIBA BOTO

Algun persona a dicidi di compañ’e den boto p’e hazaña aki. Momento cu tabata stop, nan tabata grit’e pa dun’e animo. Segun Deaxo, esey tabata algo tremendo. No solamente su team a compañ’e, pero tabatin grupo grandi di hende cu a pasa e diescuater ora riba lama cu ne E ta gradici na nan pa esaki.

DEAXO CROES

Deaxo Croes a yega di landa desde Venezuela pa Aruba cu e meta di recauda fondo pa fundacion di cancer. Deaxo a landa na 2018 di Venezuela pa Aruba un total di 42.42 km den dies ora y binti minuut. Awo ta bolbe haci esey, pero e biaha aki a pone como meta pa landa di Boneiro te Aruba den un futuro cercano. Meta tra’i esaki ta pa recauda fondo pa tres fundacion. A yama e hazaña aki Crossing for Prevention.

E ta haci esey p’e fundacionnan CORESA (Aruba), Stichting Kanker Fonds (Bonaire) y Fundacion Prevenshon (Corsou). Diasabra den ora di marduga tur cos a cuminsa momento el a sali fo’i Boneiro pa Corsou. Diadomingo ta regresa Aruba den boto hunto cu full e team desde Corsou.

E cobertura di Crossing for Prevention ta posibel danki na Aruba Bank, Bite Communications, [email protected], Gomez & Coffie, Sun Bum y Central Hotel Bonaire.

Pa mas lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.