fbpx
November 29, 2022

GLW Foundation a regala mil mucha pakete gratis

Share on Facebook
Share on Whatsapp
0
0
GLW Foundation a regala mil mucha pakete gratis
GLW Foundation a regala mil mucha pakete gratis


En conexion cu Dia Internacional di Derechonan di Mucha, pa di tres aña consecutivo GLW Foundation ta duna bek na e muchanan. Na Centro di Bario Tanki Leendert e muchanan por a yega pa asina haya nan pakete gratis.

Tio George a splica cu desde diasabra nan a prepara e mil paketenan pa awe e proceso por tuma luga. E muchanan ta haya den e pakete entre otro pan cu hotdog. Boluntariamente algun miembro di Aruba Lions Club y e muchanan di Leo Club a bin yuda cu e evento aki. Nan ta prepara e pannan pa asina pone esakinan den e saco, unda tin chubby, buscuchi, mangel. Incluso a conta cu presencia dje Miss Teen Aruba y Miss Teen Glorious di GLW Foundation.

Aki via drive tru ta duna e muchanan e paketenan. A bin cu e sistema di drive tru pa motibo dje pandemia y como e concepto a bay bon, a mantene esey. Asina ey e dos Miss Teennan ta encarga pa entrega e pakete na e muchanan.

Miss Teen Glorious a indica cu nan ta yuda y haci e muchanan feliz. E reaccion dje muchanan ta uno di felicidad y esey ta hacie contento tambe. Por pasa cu e muchanan na Centro di Bario Tanki Leendert te cu 2:00 pm pa haya nan pakete gratis.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.