fbpx
December 06, 2022

Gobierno y Minister Arends na soño: Awa sushi un biaha mas ta bay lama

Share on Facebook
Share on Whatsapp
0
0
Gobierno y Minister Arends na soño: Awa sushi un biaha mas ta bay lama
Gobierno y Minister Arends na soño: Awa sushi un biaha mas ta bay lama


Diasabra anochi manece diadomingo a nota un situacion hopi alarmante. Un biaha mas manera ladron di anochi, a habri sluis y laga awa sushi bay lama. E situacion ta uno alarmante. Riba 14 di januari 2022 ya 24ora.com a publica riba e situacion aki. E hotelnan den e area no por mas cu e situacion aki. Holo stinki ta penetra te hasta den camber di hotel. E no ta un secreto ora cu bo pasa den e area di RWZI, Amsterdam Manor y Eagle cu un holo stinki ta penetra den bo auto.

Mientras awa sushi ta bay den nos lama, gobierno y Minister Ursell Arends ta na soño. Prome tabata evaluando pa pone RWZI bou di Utilities Aruba, djey lo a firma un acuerdo cu un compania Hulandes pa tuma over RWZI y privatis’e. E echo ta si cu e no ta normal cu ainda den e epoca aki cu ta laga awa sushi bay lama manera un gol sin keeper.

Gabinete Wever-Croes II y Minister Ursell Arends na soño: Awa sushi un biaha mas ta bay lama

Posted by 24ora on Saturday, November 19, 2022

E tempo ey un parlamentario di partido AVP tabata masha critico riba e maneho di gobierno relaciona cu e tema en cuestion. A elabora ampliamente e tempo ey riba un rapport cu a sali na luz di dia riba supuesto contaminacion di nos beach.

Ta teme cu e situacion alarmante di RWZI por bira e proximo crisis economico. Turistanan ta comenta den diferente grupo cu e holo ta uno insoportabel y cu a paga asina hopi placa pa bay dinner den un holo di pupu. Ta spera cu pronto yega na un solucion pa cu e situacion aki. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.