fbpx
November 29, 2022

Departamento di Impuesto a anota gooollll

Share on Facebook
Share on Whatsapp
0
0
Departamento di Impuesto a anota gooollll
Departamento di Impuesto a anota gooollll


Awe, 21 di November por bisa cu Departamento di Impuesto (DIMP) tambe a score! El a tuma su tempo, pero awe a yega asina leu cu a elimina e atraso cu tin den procesa datonan pa por, entre otro, debolbe “restitutie” na pueblo mas lihe.

Pa mas di 40 aña Departamento di Impuesto ta traha cu atraso den procesamento di cobransa di inkomstenbelasting y primanan social manera AOV/AWW y AZV. Awe a logra elimina e atraso den procesamento di cobransa masal y ta prome bes den historia cu ta cla pa hinca e datonan di e declaracionnan di inkomstenbelasting 2021 den sistema, pues den e mesun aña cu esakinan a wordo otorga y entrega door di e contribuyentenan!

Departamento di Impuesto bou direccion di mr. Luenne Gomez-Pieters y cu enfoke y dedicacion di tur funcionario di impuesto envolvi, ta logra un ‘milestone’ importante den historia di Departamento di Impuesto y Pais Aruba.

Di awor padilanti e contribuyentenan por conta cu ta procesa nan restitucion di inkomstenbelasting na tempo.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.