fbpx
November 29, 2022

Francio Guadaloupe: Aruba mester haya asiento den Parlamento Hulandes tambe

Share on Facebook
Share on Whatsapp
0
0
Francio Guadaloupe: Aruba mester haya asiento den Parlamento Hulandes tambe
Francio Guadaloupe: Aruba mester haya asiento den Parlamento Hulandes tambe


Den cuadro di e hubileo di plata di e Sociedad Hulanda-Aruba, a organisa un charla tocante a conexion cu Hulanda tin cu Aruba y e importancia pa manten’e e relacionnan den Reino y a elabora con pa mehora esaki. Un di e oradornan rib’e anochi aki tabata Francio Guadaloupe,  un antropologo, pero alabes ta profesor na Universidad di Amsterdam y tambe ta un Senior Researcher n’e Koninklijk Instituut voor Land , Taal en Volkunde na Universidad di Leiden.

Guadaloupe ta lider di un investigacion amplio, yama ‘Islanders at the helm’, cu ta investiga con e seis islanan ta sufri bou di e cambionan climatico y kico e habitantenan di e isla ta haci pa trece cambio den esaki. Ademas  e ta co-chair di un proyecto riba nivel di MBA cu ta trata di ‘Representing Europe.’ 

Pa hopi tempo a lubida cu tin e miembronan cu tin nacionalidad Hulandes, Frances y Britanico, cu ta forma parti di Union Europeo, pero cu no ta biba na Europa y cu esaki mester bira parti di e educacion. Cu kisas e poblacion Suiso por sa cu tin ciudadanonan Europeo cu ta biba na Aruba. Pero cu tambe tin ciudadanonan Europeo cu ta biba na Martinique y Guadaloupe.

Tabatin basta interes pa e charla aki y e publico presente a acerca Guadaloupe y a haci algun pregunta tocante e cambionan climatico y di respet, ya cu nan tabatin e idea cu no tin suficiente respet pa Aruba. Pero ta trata tambe pa Aruba mira cu e ta situa den un area Caribense amplio, no solamente e islanan Hulandes, pero tambe e islanan Frances y e Britanico, cu ta islanan independiente, pero cu nan tambe ta forma parti di e charla aki.

Pa Guadaloupe, tabata un placer di por a combersa cu algun Arubiano y na su parecer, e sociedad Hulanda–Aruba ta traha hopi duro pa logra cu Hulanda ta tene cuenta cu Aruba. Esaki tabata e motibo principal di e charla. P’e tabata un gran oportunidad pa por a combersa cu Kilian Wawoe, pero tambe cu Nico van Grieken y e otronan presente na e charla.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.