fbpx
November 30, 2022

Habitante di Seroe Patrishi ta fada: Caminda ta den hopi mal estado

Share on Facebook
Share on Whatsapp
0
0
Habitante di Seroe Patrishi ta fada: Caminda ta den hopi mal estado
Habitante di Seroe Patrishi ta fada: Caminda ta den hopi mal estado


Na nos mesa di redaccion, a yega e siguiente remitido, di parti di e habitantenan di Seroe Patrishi. Nomber y adres ta conoci pa redaccion.

Ya ta pa varios aña caba, cu Gobierno a priminti e habitantenan di Seroe Patrishi, pa ta mas specifico, esunnan cu ta biba patras di Polyrama cu lo manda basha asfalt riba e camindanan cu ta den mal estado.

A manda varios carta pa Minister President Eveline Wever-Croes te cu na ultimo, e habitantenan a dicidi di colecta firma, pa asina Gobierno mira cu mester un ayudo den e bario aki. 

Hopi biaha, ora cu awa ta cay e ta crea mas buraco riba caminda, te cu bo ta sinti cu ta riba luna bo ta core. Gobierno ta manda hende bin raspa pero esaki ta haci e situacion mas pio ainda. E ta un caminda di tera y cu autonan ta core hopi duro.  

LoaderLoading…

EAD LogoTaking too long?

Reload Reload document

|

Open Open in new tab

Download [143.59 KB]

Despues di tanto suplica y buscando manera con pa haya contact cu Minister President y no a logra esaki tampoco. E habitantenan di Seroe Patrishi a haya ni un contesta riba e carta cu nan a manda. 

Door cu e camindanan ta asina den mal estado, nan a dicidi di tuma contacto cu 24ora.com pa asina por haya atencion di Gobierno, pasobra no tin otro manera pa haya contacto cu e gobierno akinan.

E habitantenan ta sufri y door di core ariba e camindanan den super mal estado, esaki ta causa daño na e vehiculonan.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.