fbpx
November 29, 2022

Minister Glenbert Croes a perde otro caso den corte: No por cobra ciudadano bijstand ricibi ‘sin derecho’

Share on Facebook
Share on Whatsapp
0
0
Minister Glenbert Croes a perde otro caso den corte: No por cobra ciudadano bijstand ricibi ‘sin derecho’
Minister Glenbert Croes a perde otro caso den corte: No por cobra ciudadano bijstand ricibi ‘sin derecho’


Minister Glenbert Croes a manda cobra un ciudadano mas cu 3 mil florin cu el a ricibi na bijstand sin cu e tabatin derecho riba dje. Sinembargo, pa motibo cu e procedura no tabata bon haci, Corte a dicidi cu Gobierno (minister) no tin base legal pa cobra e ciudadano e placa aki. Den un decision di dia 5 di juni 2019 minister encarga cu Asunto Social a cobra un ciudadano e suma di 3785 florin. 

Gobierno a subi e bijstand di e ciudadano na december 2018, te na e suma di 1715 florin pa luna. For di februari 2019 te cu 31 di maart 2019, e ciudadano tabata traha den un tienda (dos luna). Dia 5 di juni 2019, minister a para e bijstand aumenta entrante prome di mei 2019. Den un decision di e mesun fecha, a exigi e ciudadano pa paga e suma bek cu el a cobra for di 1 te cu 22 di december 2017 y for di 1 di februari 2019 te cu april 2019, cu a yega e montante total di Afl. 3.785,-. E ciudadano a entrega obheccion dia 9 di juli 2019.

A bay Corte unda a dicidi cu mester trata e obheccion di nobo 

E decision recien di Corte a bisa cu den ley ta para cu pago bek di bijstand cobra ta posibel solamente den caso cu e pago tabata indebido. E minister a duna ordo dia 5 di juni 2019, pa para e pago entrante prome di mei 2019. Ningun caminda a sali na cla cu e decision, unda cu a paga bijstand na e ciudadano, a cambia prome cu e fecha aki riba menciona of hala aden.

Gobierno kier a cobr’e bek pa motibo cu den e periodo en cuestion e tabatin un otro entrada. Pero ningun caminda ta mustra cu den e periodo ey a hala e bijstand aden of a cambie y el a sigui haya su pago normal. Pues, no por bisa cu tin un decision tuma e tempo ey y toch el a sigui hay’e. Minister Glenbert Croes a tuma e decision despues. Pues no por cobra e ciudadano nada ya cu den e caso aki e culpa ta cerca Minister Glenbert Croes mes, cu no a tuma e pasonan necesario mesora.

Departamento di Asuntonan Social a drumi den luz berde

Hopi biaha, e critica ta bay mesora na e minister encarga y cu ta politicamente responsabel pa e decisionnan. Pero, e berdad ta cu no ta minister ta manda carta y ta tuma decision. Conseho mester bin prome for di e departamentonan encarga, cu hopi biaha ta incapas pa conseha gobierno na un forma drechi pa evita cu minister ta keda perde caso tras di otro asina. Ta laga mucho tempo pasa sin tuma decision y awor por mira cu na final, hues ta laga e caso cay y ta considera cu gobierno mes a faya de su maneho.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.