fbpx
December 08, 2022

Ryçond Santos do Nascimento (AVP): Minister Ursell Arends ta sconde na luga di regla asunto di RWZI

Share on Facebook
Share on Whatsapp
0
0
Ryçond Santos do Nascimento (AVP): Minister Ursell Arends ta sconde na luga di regla asunto di RWZI
Ryçond Santos do Nascimento (AVP): Minister Ursell Arends ta sconde na luga di regla asunto di RWZI


Ta importante pa compronde riba e impacto di habrimento dje sluis riba salud y siguridad di hende. Na diferente ocasion a trece dilanti e problema di esaki, pero Minister Arends ta bin dilanti pa papia riba e punto di contaminacion.

mr. dr. Ryçond Santos do Nascimento, parlamentario di AVP, a splica cu Aruba ta un isla turistico, edificio bunita y yen di hende. E kier sa kico ta haciendo pa salud, e siguridad di hende, tanto di turista como hende local. Por mira desde Zeewijk te Malmok, e maneho dje gobierno aki cada bes ta un enfoke completamente robes. E enfoke ta riba propaganda. Algun dia pasa Minister Ursell Arends a bishita e saliñanan y saca bunita potret, papia di naturalesa, pero unda el a papia cu e habitantenan.

Riba un dje potretnan por a mira Dello Gomez bay papia cu e minister, pasobra e ta den area unda e ta biba. No pasobra e mandatario a invita persona pa papia cu ne riba impacto dje maneho riba salud y siguridad di hende. No tin, segun e parlamentario.

AVP a purba di trece e cosnan aki. A purba trece e conscientisacion n’e comunidad como gobierno. Gobierno a priminti di goberna diferente. RAIZ ta un partido cu a bisa nan ta bay haci esey diferente, pero loke ta mira ta un maneho cu no tin cuenta cu e salud y siguridad di hende. En bes di haya e berdad, loke ta haya t’un mentira, ta bin tapa cos, conta storia, ta conta fabula.

Realidad ta cu n’e momento aki ora di bira maneho di desperdicio, tanto p’e maneho di desperdicio di awa sushi como e maneho di Parkietenbos, segun Santos do Nascimento, e ultimo hende cu ta papia cu nan ta e habitantenan. E ultimo hendenan pa haya sa e berdad ta e habitantenan, ta e turistanan, pasobra si no ta pa su persona cu a publica e rapport di Carmabi, te awo gobierno lo tabatin e scondi. Gobierno no tabatin ningun interes pa public’e, tambe ningun interes pa hende sa e situacion real dje contaminacion di lama ora habri e sluis, manera a haci esun di RWZI.

Awo a bin cu e maneho di pomp awa den otro saliña entre otro na Malmok, y otro caminda unda hende ta biba. E kier sa unda e estudio riba impacto di hende su salud a keda. El a sigui bisa unda e estudio ta cu ta mustra di ta worry cu salud y siguridad di hende. Esey no ta prioridad di gobierno, pero loke ta nan prioridad ta potret bunita y di e forma ey bin cu mercadeo.

Pa haya sa mas di e rapport di Carmabi, por haya esaki publica riba e pagina di Facebook di Carmabi mes. E parlamentario a indica cu ta bon pa hende informa su mes mas riba esaki y exigi un gobernacion di calidad di Aruba. Santos do Nascimento a indica cu el a splica na diferente forma cu minister Arends ta purba sconde. E kier sa dicon Arends no a papia riba e situacion.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.