fbpx
December 08, 2022

Minister Geoffrey Wever kier introduci “Blue Carbon Economy”

Share on Facebook
Share on Whatsapp
0
0
Minister Geoffrey Wever kier introduci “Blue Carbon Economy”
Minister Geoffrey Wever kier introduci “Blue Carbon Economy”


Minister di Economia, Communicacion y Desaroyo Sostenibel, mr. Geoffrey Wever a reuni cu Christie Mettes di Metabolic Foundation. 

Metabolic foundation ta un organisacion cu ta carga diferente proyecto importante pa e desaroyo sostenibel na Aruba, cual siguramente ta alinia cu e vision di minister Wever pa cu economia circular y desaroyo sostenibel.

Entre otro a toca topico maner posibilidadnan pa por certifica Aruba su “Blue Carbon Stock” y participa den e benta di “Blue carbon credit” riba mercado internacional. Asina por contribui na Aruba su “Blue Carbon Economy” cu ta un concepto relativamente nobo.

Representacion di Aruba den negocacion climatico na COP28 na 2023, unda Aruba como isla chikito por uni cu e otro islanan y asina tin un bos y peso mas pisa den negociacion di “cambio climatico, specialmente esunnan cu tin impacto significante riba nos como isla.

Recientemente e organisacion a cuminsa cu un proyecto di Coleccion di Data di nos costanan, via e proyecto “Surfside Science”. A traves di monitor e cambionan di nos costa, calidad di aire, calidad di awa di lama, cambio di nos costa y e estado di e vegetacion bou di awa, por haci e decisionnan informa cu e datonan cual ta haci disponsibel 

Por ultimo a dialoga riba manera pa por stimula mas aporte di parti di sector comercial pa procesamento di productonan di plastic – reciclahe – di Aruba. Lo mester por desaroya proyecto pa futuro y asina aporta na nos e transicion pa un “economia circular”. Esaki ta posibel por ehempel door di evita – mas hopi posibel – productonan traha localmente di bira desperdicio. 

“Nos lo keda traha di cerca cu Metabolic Foundation como un key partner pa proyecto cu lo nifica hopi p’e desaroyo sostenibel di pais Aruba” – Geoffrey Wever.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.