fbpx
December 08, 2022

Pueblo no ta confia Ministerio Publico mas

Share on Facebook
Share on Whatsapp
0
0
Pueblo no ta confia Ministerio Publico mas
Pueblo no ta confia Ministerio Publico mas


Mr. Arthur Dowers a papia cu prensa diamars mainta pa elabora riba e peticion cu ministerio publico a haci pa ciudadanonan boluntariamente entrega arma di candela cu nan por tin den nan posesion di manera ilegal. Aki el a resalta e poco confiansa cu comunidad tin actualmente den e entidad hudicial y e echo cu propio Gabinete Wever-Croes II no ta para tras di e iniciativa.

Loke ta un sorpresa pa Dowers ta cu tur frontera ta cera cu Venezuela, pero esey no a reduci entrada di arma.  “Duidelijk ta cu esey no a logra paso arma ta bin na cantididad ainda; droga ta bin na cantidad, kiermen no tin ningun proteccion pa loke ta e frontera pa e comunidad. Loke si tin ta cu bo ta percura pa no bini cuminda na prijsnan pagabel pa pueblo, pero arma si y droga y municion ta keda bin.”

Ministerio publico ta bisa, segun Dowers cu no ta bay persigui esunnan cu entrega arma, pero ningun hende ta kere ministerio publico mas y p’esey lo por desisti di entrega nan arma. “Zowiezo un criminal cu a cumpra un arma; cu ta arma pa bay haci su actonan di crimen of pa proteha su mes contra di otronan cu e sa cu tambe ta arma, no ta bay entrega su arma,” e politico a comenta.

E parlamentario ta kere ta momento pa bay hinca mas atencion den con ta kita e armanan ki f’oi caminda pasobra e resultado di e bendemento di arma no ta bay logra na saca e armanan y di e hendenan mas peligroso den comunidad. Asina mes, Dowers ta convenci cu OM tin cu haci esfuerso y pusha di tur caminda, maske sin e sosten di gobierno, manera a keda manifesta den Parlamento, ta manera cu ministerio publico y polis ta hibando un lucha solitario.

Pa e relato completo, lesa edicion di TREMPAN

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.