fbpx
December 08, 2022

SADA na Gobierno: No nos ta den parlamento pa controla Gobierno

Share on Facebook
Share on Whatsapp
0
0
SADA na Gobierno: No nos ta den parlamento pa controla Gobierno
SADA na Gobierno: No nos ta den parlamento pa controla Gobierno


Diamars Sindicato di Aduana Aruba (SADA) den un rueda di prensa tabata kier a trece aclaracion dilanti tocante un caso contra di un ex-gobernante actualmente den corte.

Algun gobernante ta tilda e sindicato di no ta duna un reaccion riba e caso en cuestion. Pero SADA su posicion ta cu nan ta un sindicato cu ta representa su miembronan., nan ta traha a base di e mandato di e miembronan. Ora cu ta trata di e posicion huridico di e miembronan, si nan ta sinti nan mes yama pa defende nan miembronan, segun presidente di sindicato SADA, Edward Maduro. 

Maduro a sigui bisa cu SADA ta un sindicato y nan no ta sinta den parlamento unda cu nan ta controla e gobernantenan. Esunann cu ta prome yama y esunnan cu ta haya pago pa haci esaki, ta e parlamentarionan. Ta nan mester controla Gobierno y e ministernan. Personalmente, Maduro a bisa di tin su pensamento personal riba e caso aki, pero e no lo papia di esey, ya cu den e conferencia di prensa e ta eynan den calidad di presidente di e sindicato. 

Sindicato ta traha segun nan statuut y nan no ta traha pa haci politikeria. Si SADA mester bay reacciona riba e casonan cu tin di haber cu e politico nan, tanto gobernante- y ex-gobernantenan, cu kisas ta culpabel of tin sospecho riba nan, e ora nan lo mester reacciona riba varios caso manera p.e. Strawberry Gate, den pasado e politiconan di e mesun partido a hiba otro corte, e caso di Arubahuis, Vacunagate. Tur e casonan aki ta unda cu Gobierno tin di haci su trabou y no sindicato. 

Den pasado tabata tin hopi caso y nunca sindicato SADA a reacciona ariba nan, ya cu esaki no ta nan deber como sindicato. Segun  Maduro, e directiva aki di SADA no ta bay participa den ningun sorto di politikeria y ora cu e sindicato tin critica riba e maneho di Gobierno cu lo afecta nan miembronan directamente, sigur nan lo bin dilanti pa vocifera esaki y sin miedo algun pa represalia, ya cu esaki nan ta bib’e hopi, vooral den e gobierno actual. Pero nan ta sigui traha pa bay dilanti. Esaki pues ta loke SADA ta para p’e, segun e presidente di Sindicato di Aduana Aruba (SADA), Edward Maduro.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.