fbpx
December 08, 2022

Ultimo oportunidad pa aprecia EXPO Beyond Words

Share on Facebook
Share on Whatsapp
0
0
Ultimo oportunidad pa aprecia EXPO Beyond Words
Ultimo oportunidad pa aprecia EXPO Beyond Words


Diasabra awo dia 26 di November lo ta e ultimo oportunidad pa aprecia EXPO BEYOND WORDS na e Galeria di UNOCA na Stadionweg 21.

E obranan aki a ser ricibi cu hopi entusiasmo pa nan variacion y tambe pa e nivel di Arte Digital no solamente pa e amantenan di arte pero tambe e publico en general. Nan ta imprimi riba metal manera e artista STANGA (nomber artistico di Stanley Heinze) a diseñ’e.

Interesante ta e mensahe cu e obranan ta transmiti cu ta trata e tema di e discrepancia di e mundo interno di e ser humano y e mundo externo. Hopi biaha nos ta sconde loke nos ta sinti di berdad y nos kier pa e mundo eyfo kere un cos pa otro. 

Un total di diestres scol di MAVO, HAVO Y VWO a bishita e exposicion aki. Y e tabata sumamente emocionante con e obranan tabata inspira e hobennanan pa expresa nan sentimentonan y pensamentonan riba bida.

E siman aki ainda lo por bishita e exposicion Beyond Words, Inner Outer durante oranan di oficina di Unoca y diasabra dia 26 di November lo ta e clausura oficial di EXPO Beyond Words na UNOCA na Stadionweg 21 di 7or pa 9or pm. Tur esnan cu ta interesa pa wak e expo aki y no a haya e chens ainda esaki lo ta e unico oportunidad cu ta keda. Corda probecha e oportunidad aki, lo bo keda sumamente satisfecho.

E EXPO aki a ser realisa danki na PBCCG, UNOCA, DCA, CEDE ARUBA, SETAR y WEB y otro sponsornan.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.