fbpx
December 08, 2022

A gara boto yegando Aruba cu ilegal y droga

Share on Facebook
Share on Whatsapp
0
0
A gara boto yegando Aruba cu ilegal y droga
A gara boto yegando Aruba cu ilegal y droga


No obstante control adicional y un radar nobo y moderno, toch ainda botonan for di Venezuela ta sigui purba nan suerte pa yega Aruba cu personanan ilegal, sin pasa e ruta legal di Migracion y Duana. Un grupo ayera nochi tabatin mala suerte y a dal den duro!

Diamas algo prome cu mey anochi, polisnan atento den “radarkamer” a detecta un boto cu a crusa drenta awa teritorial di Aruba. E boto tabata procedente for di Venezuela.

Polis a mobilisa Kustwacht, e helicopter, a spacha patruya di San Nocolas como tambe unidadnan di K-9 pa asina controla den e area.

Wardacosta a topa cu e boto, pa cual a start un persecucion mesora. Esunnan riba e boto a tira varios pakete den lama. Finalmente Wardacosta a logra intercepta e boto y a detene un total di 7 persona ilegal. Cu helicopter a sigui un buskeda pa e paketenan, posiblemente di droga, cu mester a keda drif riba lama.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.