fbpx
December 08, 2022

Ainda no tin solucion: Accidente pa falt’i preferencia n’un crusada conoci den Playa

Share on Facebook
Share on Whatsapp
0
0
Ainda no tin solucion: Accidente pa falt’i preferencia n’un crusada conoci den Playa
Ainda no tin solucion: Accidente pa falt’i preferencia n’un crusada conoci den Playa


Diaranson anochi alrededor di 7:00 pm a sosode un accidente n’e crusada di Weststraat cu Profesor Lorentzstraat. Diariamente ta sosode accidente n’e crusada aki. A boga for di hopi tempo caba pa pone ‘verkeersplateau’ n’e dicho crusada pa evita mas accidente. E biaha aki tabatin dos auto envolvi. Un marca Hyundai modelo Veloster y e otro ta un Toyota Passo.

Segun a compronde na sitio for di ambos partido; e Veloster tabata biniendo for di pabou direccion pariba riba Profesor Lorentzstraat ora cu e Passo a subi e crusada for di Weststraat sin duna preferencia.

E chauffeur di e Veloster a resulta levemente herida. Daño material na ambos auto tabata basta. Polis a cera caminda mientras cu e specialista di trafico a documenta e accidente aki. 

Falt’i preferencia: Boksmento cu persona herida

Posted by 24ora on Wednesday, November 23, 2022

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.