fbpx
December 08, 2022

Anuesca Baly: Tur mucha cu ta bay cumpli cuater aña mester bay kleuter

Share on Facebook
Share on Whatsapp
0
0
Anuesca Baly: Tur mucha cu ta bay cumpli cuater aña mester bay kleuter
Anuesca Baly: Tur mucha cu ta bay cumpli cuater aña mester bay kleuter


Tin cupo n’e scolnan di SKOA, segun Anuesca Baly, a director di Stichting Katholiek Onderwijs Aruba (SKOA), caminda e mayornan por aplica. E ta sigui splica cu dialuna e dia pa aplica na SKOA di e alumno. Por haci esaki via website di SKOA, Whatsapp tambe y por pasa personalmente na SKOA pa haci e aplicacion.

Tur mayor cu tin un yiu cu ta bay cumpli cuater aña na 2023, for di januari pa december, mester bay kleuterschool, pasobra e ta segun ley. E mayornan mester cuminsa na aplica p’e scolnan.

Pa aplica, e mayornan mester tin tur rekisito yena. ta bay riba e website di SKOA (www.skoa.aw), ta bay riba e parti di aanmelden, ta yena e formulario, upload e papel di 5 florin of si no tin e papel, ta busc’e na Censo, tambe copia di paspoort. Tambe si tin papel di bautismo, ya cu como fundacion di scol catolico, e yiunan mester ta batisa. No ta obligacion, pero ta pone si enfasis riba dje, pasobra con cu bay bin, ta trata di scol catolico.

Pa mayor cu nan yiu no ta di Aruba, esta e muchanan cu ta bin di exterior, no ta cera por ta pa ningun. E mayornan aki ta entrega un copia di e paspoort di e alumno y tambe nan ta entrega un papel, si nan ta inscribi na Censo tambe. Locual tambe nan tin cu percura p’e, ta un seguro priva, pasobra hopi biaha e alumnonan aki no ta cay bao di AZV. E alumno mester tin un seguro cu ta core n’e momento cu e drenta scol oficialmente. E seguro aki ta pa cubri cualkier gasto medico cu lo por tin p’e alumno aki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.