fbpx
December 08, 2022

Arnhem: Cuerpo Policial Aruba ta motiva!

Share on Facebook
Share on Whatsapp
0
0
Arnhem: Cuerpo Policial Aruba ta motiva!
Arnhem: Cuerpo Policial Aruba ta motiva!


Ramon Arnhem t’e altocomisario nobo di Cuerpo Policial, riba 16 di augustus ultimo el a huramenta dilanti henter conseho di minister den Cocolishi. Arnhem ta un academico y ta carga e titulo di drs. Ramon Arnhem tabata district chef na Hulanda prome cu el a bin biba na Aruba. Arnhem t’e di ocho hefe di polis di Aruba, siguiendo Roland Peterson qepd, Lucas Rasmijn, Alwin Nectar, Ronny Bernadina, Dolfi Richardson, Andrew Hoo y Vanessa Tjon-Kock.

Durante un entrevista den e noticiero merdia, Enfoke, el a conta un poco riba su mision y vision. Tabata su prome bishita den e noticiero. A puntr’e; kico ta su prome bista di e cuerpo. Arnhem den un forma masha honesto a contesta cu e ta mira un cuerpo sumamente motiva y cu necesidad pa crecemento. E no tin ni 100 dia ainda den funcion, pa cual e prome parti pa miho funcionamento di dje y e cuerpo ta pa scucha. Arnhem diariamente ta sinta cu su coleganan, fuera di esey e ta envolvi tambe cu e comunidad. Tin cu remarca cu ta a mira drs. Ramon Arnhem na tur e actividadnan di polis den bario. Na Santa Cruz, Playa, San Nicolas y Noord.

“Mi no ta aki pa bisa con e mester bay” asina Arnhem a duna di conoce durante e encuentro. E ta kere firmemente den traha hunto y cu input di tur. No por compara Hulanda cu Aruba mirando cu ey tin otro problema cu aki. “Bienestar di mi coleganan ta hopi importante pa mi”, asina Arnhem a comenta na Papiamento. Ta su prioridad pa su coleganan ta na prome luga. E no sa con e tabata prome, pero e ta sigur cu tur cu tabat’ey prome cu ne tambe a traha na bienestar di e cuerpo. Locual si e ta nota, ta cu; e polisnan tin hamber pa desaroyo, cual ta un di e puntonan cu e lo traha riba dje.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.