fbpx
December 08, 2022

Arnhem: Ta investigando pa trece Guarda Nos Costa bou di Cuerpo Policial

Share on Facebook
Share on Whatsapp
0
0
Arnhem: Ta investigando pa trece Guarda Nos Costa bou di Cuerpo Policial
Arnhem: Ta investigando pa trece Guarda Nos Costa bou di Cuerpo Policial


Ta investigando pa trece henter e proceso di stranheria y e departamento di Guarda Nos Costa bou maneho un biaha mas di Cuerpo Policial. No ta sigur ainda cu esey lo pasa, pero si ta investigando e posibilidadnan, asina a compronde for di drs. Ramon Arnhem kende ta e altocomisario di Cuerpo Policial Aruba.

Den fin di siman a tuma luga un accion caminda cu comisario Trudy Hassell hunto cu un cantidad di polis y departamento di labor a bishita diferente bar y restaurant rond di nos isla. Hopi ta considera e accion aki un fracaso. For di e detenidonan a compronde cu a saca nan for di bar siendo a identifica nan mes cu un ID valido di Aruba y na warda di polis, niun rato a mira un hues-comisario. A pasa henter anochi cera y ora solo a sali, a laga nan bay. A puntra Arnhem su comentario riba e accion aki mirando cu no necesariamente tin bon comentario riba e accion aki, pa cual gran parti tabata consisti di miembronan di Cuerpo Policial.

Arnhem a sali pa su comisario y a aclaria cu no ta Hassell tabata encarga cu e accion sino ta algun hunto cu demas departamento. El a confirma si cu di su banda ta evaluando pa wak kico por a bay fout y con por atende cu e eror aki. Berdad, mescos cu mayoria, e tambe a scucha e malcontento riba e accion di fin di siman ultimo. Tabatin persona cu polis a detene cu di berdad no tabatin permiso, pues no necesariamente a detene tur hende sin motibo. Na final el a comenta cu tin cu reorganisa henter e cuerpo, pa cual e parti di stranheria ta un di e puntonan cu ta investigando pa wak si e lo cay bek bou di e cuerpo cu tin mas cu tin alrededor di 600 hende ta traha.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.