fbpx
December 08, 2022

Pa prome biaha e empresarionan di Caribe Hulandes den Reino a uni pa drenta mercado Colombiano!

Share on Facebook
Share on Whatsapp
0
0
Pa prome biaha e empresarionan di Caribe Hulandes den Reino a uni pa drenta mercado Colombiano!
Pa prome biaha e empresarionan di Caribe Hulandes den Reino a uni pa drenta mercado Colombiano!


Camara di Comercio y Industria di Corsou den cooperacion cu Asociacion di Camaranan di Comercio di Caribe Hulandes, Stichting Beheer MKB y tambe Holland House Colombia, den cuadro di stimulacion di exportacion a organisa un mision comercial pa Colombia di 15- 18 di november, 2022.

Empresarionan di e diferente islanan di Caribe Hulandes por a sigui nan programanan individual reuniendo directamente cu companianan di Colombia pa inicia oportunidadnan di negoshi. 

Tambe na final di e siman nan por a bini hunto na residencia di Embahador di Reino Hulandes na Bogota sr. Ernst Noorman cu a duna nan bon bini riba dia di Empresario, caminda nan por a combersa cu no solamente mas cu 80 companianan Colombiano, sino tambe e companianan Hulandes exitoso den mercado Colombiano.

Ta pa prome biaha den historia cu e companianan for di e islanan di Caribe Hulandes a uni pa por drenta un mercado na e manera aki. E empresanan cu a uni nan mes na e mision tabata:

– Aruba – NR Services

– Curaçao – Buddha Coffee Coffee Roastery Curacao

– Curaçao – Curaçao Office Supplies

– Curaçao – Morganite Corporate Services

– St. Maarten:  Dutch Tours Enterprises

Tambe representantenan di organisacionnan a participa: Camara di Comercio di Saba & St. Eustatius y e Camara di Comercio y Industria di St. Maarten.

Companianan y organisacionnan cu a participa a duna indicacion cu e mision tabata exitoso y tabata tin balor agrega pa e nan intencionnan pa expande nan mercadonan via di Colombia.  Si abo como empresario a perde e oportunidad aki, pero tog tin interes den e mercado di Colombia, por fabor tuma contacto cu nos via [email protected] .

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.