fbpx
December 08, 2022

Shailiny Tromp-Lee (MEP): Fundacion Sea bunita, Sea bo mes ta duna inclusion na cada mucha

Share on Facebook
Share on Whatsapp
0
0
Shailiny Tromp-Lee (MEP): Fundacion Sea bunita, Sea bo mes ta duna inclusion na cada mucha
Shailiny Tromp-Lee (MEP): Fundacion Sea bunita, Sea bo mes ta duna inclusion na cada mucha


Diadomingo ultimo mi a asisti na e show di “Sea bunita, Sea bo mes” den cuadro di celebracion di Dia Internacional di Derechonan di Mucha..

E anochi a cuminsa cu un sketch caminda ta duna atencion na termento y abuso di mucha. Un manera pa empodera nos mucha y hobennan pa nan sa kico pa haci y cu nan tin derecho. E show a sigui caminda nos mucha y hobennan special cu hopi entusiasmo a realisa diferente presentacion y asina celebra e dia Internacional di Derecho di Mucha. Como parti di e actividad tabatin un show di modelahe caminda un total di 28 mucha y hobennan special a participa hunto cu un celebridad.

Sigur mediante actividadnan asina nos por conscientisa di e importancia di inclusion. Tur mucha sin excepcion tin derecho riba e.o. educacion, proteccion, trato husto y mucho mas. Un tremendo actividad cu a brinda nos mucha y hobennan special e bunita plataforma pa desplega nan talento den baile, canto y teatro. Tawata un anochi bunita y impresionante. Un pabien na e organisadonan, nos celebridadnan y mas cu claro na nos mucha y hobennan cu a duna un excelente presentacion.

Sigur nan a duna contenido na e tema di e aña aki cu ta Inclusion pa tur mucha. Pabien!

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.