fbpx
December 08, 2022

Update di Encuesta di Mucha y Hoben 2022

Share on Facebook
Share on Whatsapp
0
0
Update di Encuesta di Mucha y Hoben 2022
Update di Encuesta di Mucha y Hoben 2022


Desde diabierna 14 di oktober 2022, Oficina Central di Estadistica (CBS) ta ehecutando un encuesta tocante mucha y hoben: Encuesta di Mucha y Hoben 2022. E proposito di e encuesta aki ta pa haya un miho bista di diferente tema di importancia pa mucha y hoben, por ehempel: actividad di mucha y hoben den nan tempo liber (deporte, arte, trabou boluntario), participacion na scol, participacion riba mercado laboral, bista riba nan futuro, relacion cu mayor, uzo di celular, medio social, gaming y posibel problema relata na esaki, humamento/vaping, uzo di alcohol y droga y salud mental. E encuesta lo tin un duracion di un luna.

Pa un mucha of hoben cu ta menor di edad por participa, mester di e aprobacion di un mayor of voogd. Un total di 3.500 hogar lo ricibi bishita p’e encuestadornan di CBS. Por identifica e encuestadornan n’e badge cu nan nomber, potret, logo di e encuesta y e logo di CBS. 

Tur informacion colecta durante e encuesta aki ta procesa anonimamente y lo publica solamente estadisticanan den forma agrega. E informacion di tur mucha y hoben ta contribui na mehora e disponibilidad di informacion pa por tin un miho bista riba e desaroyonan cu ta tuma luga cerca mucha y hoben na Aruba. P’e motibo aki e contribucion di cada mucha y hoben ta esencial!

UPDATE

CBS kier a informa cu p’e di cinco siman di e Encuesta di Mucha y Hoben 2022 ya caba a colecta dato di 1918 hogar y 3270 mucha y hoben.

CBS ta gradici tur mucha, hoben y mayor/voogd cu ya caba a participa n’e Encuesta di Mucha y Hoben 2022 y ta pidi cooperacion di tur esunnan acerca p’e encuestadornan den e dianan venidero. Pa mas informacion, por tuma contacto libremente cu e team di CBS di dialuna pa diabierna durante ora di oficina (7:30 am – 4:30 pm), na number di telefon: 524 7433 of por manda un e-mail na [email protected]

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.