fbpx
January 28, 2023

All to Car tin e auto di famia: Hozon ta espacioso y electrico

Share on Facebook
Share on Whatsapp
0
0
All to Car tin e auto di famia: Hozon ta espacioso y electrico
All to Car tin e auto di famia: Hozon ta espacioso y electrico


Tecnologia ta e motibo pa bay cu ne den 2023 y na All to Car ta e caminda cu bo ta haya e mobilidad electrico. Por haya e auto di coriente aki den diferente color manera blanco, preto, cora, entre otro.

E auto aki ta un SUV electrico y ta na un prijs pagabel. E ta un auto pa un persona cu compania of famia y mester di un SUV. All to Car tin e Hozon cu ta uno espacioso y electrico. All to Car ta un agencia oficial dje auto Hozon. No ta asina cu bo ta bay y All to Car no ta tende mas dje cliente, pasobra kico cu pasa tin un dealer cu bo por yega cerca dje. E compania ta na Aruba y registra oficial cu su piesa- y mecaniconan. Un cos completo pa asina nan duna servicio na momento di cumpra e auto Hozon.

Ya caba riba caya tin varios auto Hozon, entre otro e taxistanan ta uzando e auto aki. Bobby Chemaly, sales manager, a splica cu nan ta haya un trato special na All to Car, pasobra ora un taxista mester di su auto, e mester di un cargado cu por carg’e lihe p’e por sigui traha. All to Car tin diferente tipo di cargado y e Hozon tin un autonomia di 500 kilometer entre cada charge.

Si bo ta un compania of taxista cu mester di un carga lihe, All to Car ta duna un fast charger. En caso no mester di e charger ey, nan tin diferente charger mas economico y All to Car ta instala gratis na cas. E charger ta bin extra riba e prijs di auto. Prijs basico di e Hozon ta 68.990 florin. No ta haya ningun caminda un SUV di coriente asina grandi p’e prijs aki. Ta duna garantia, servicio y cualkier problema cu tin por bin bek cerca nan. Pasa na All to Car pa mira e auto y bo tin e oportunidad pa test drive e auto.

Kenneth Wever, director general, a indica cu den e marca Hozon tin e colornan di blauw licht, biña scur, shinishi scur y cora cayena. Hozon ta un auto bin ful ekipa, power window, power steering, espacioso, cuero paden, moon roof, sunroof, completamente digital cu por pone tur sistema di telefon traha riba dje, entre otro.

Tin garantia di cinco aña of shen mil kilometer riba e autonan aki. Na e prijs di 68.990 florin no tin competencia aki na Aruba. Esunnan cu tin auto p’e prijs ey, ta auto chikito y ta conoci como cross over. Nan no ta SUV ainda.

Pasa na All to Car pa mira e autonan, unda pafo tin auto disponibel pa por haci un test drive. Ta haci afspraak cu Bobby Chemaly, kende lo duna splicacion completo di e auto. Asina aki bo por mira unda ta inverti nan placa.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.