CARACAS – E prome vice presidente di Fedecamaras, Adan Celis (algo manera un Camara di Comercio di Venezuela) ,a indica cu e gremio ta busca pa rescata e asosacion cu Aruba y Corsou. E ta mustra tambe cu mester haci ahuste tecnico pa avansa e reapertura di e frontera di Venezuela. Durante un entrevista na Union Radio, e la splica cu e gremio a sostene combersacionan cu importadornan reconoci di Aruba y nan tin e mesun plan pa Corsou. E obhetivo ta pa presenta e probabilidadnan y bentaha cu e productonan criollo tin.
E la detaya tambe cu e seguridad alimentario den un isla ta importante pasobra esaki por wordo garantisa solamente door di e importacionan en cuestion. Ta papia di e wega comercial unda cu den menos di 6 ora por manda productonan Agricola cu barco pa e dos islanan.
A recorda cu Hulanda su gobierno a firma un memorandum unda cu ta denota e intencion di e reapertura di e frontera cu Venezuela. Sinembargo tin aspectonan technico cu ainda mester keda discuti pa e por sigui. Segun calculo pa e impresarionan, por yega na un intercambio comercial di 300 miyon dollar entre Venezuela y e dos islanan unabez cu tin e reapertura. Awe diabierna lo mester tabatin un cumbre empresarial unda cu e gremio lo mester tabatin como meta, pa demostra tur e potencial cu e por ofrece na Aruba y Corsou.
