fbpx
January 28, 2023

Secretario di Estado Alexandra van Huffelen: E paisnan den reino a alcansa un acuerdo mutuo

Share on Facebook
Share on Whatsapp
0
0
Secretario di Estado Alexandra van Huffelen: E paisnan den reino a alcansa un acuerdo mutuo
Secretario di Estado Alexandra van Huffelen: E paisnan den reino a alcansa un acuerdo mutuo


“Den e dos ultimo dianan nos a tene varios reunion constructivo riba e forma cu nos kier traha hunto den Reino. Un cooperacion basa riba igualdad, responsabilidad y confiansa mutuo. Y esey ta ahusta n’e forma cu nos ta contempla nos futuro comun. Un cooperacion cu mester conduci n’e aplicacion di reforma cu ta contribui n’e resiliencia y n’e desaroyo sostenibel di e paisnan,” segun un comunicado di prensa cu Secretario di Estado Alexandra van Huffelen.

E ta sigui bisa cu e puntonan di bista di e cuater paisnan di Reino a comparti den un ambiente habri. E obhetivo di e debatenan ta pa yega na acuerdo nobo riba e forma di coopera mutuamente den e aplicacion di e landspakketten.

“Nos a logra yega na un acuerdo mutuo. E acuerdo aki lo substitui e proposicion di Ley di Consenso di Reino (COHO) (Caribisch orgaan voor hervorming en ontwikkeling). E ley di reino a presenta n’e paisnan y na Tweede Kamer y a ricibi un reaccion critico.

Aruba, Corsou y Sint Maarten a tuma e iniciativa y a presenta un proposicion cu a debati durante e ultimo dos dianan. E obhetivo tabata pa yega na un acuerdo mutuo, cu ta inclui acuerdo riba e manera di traha, e forma di informa, e sosten di Hulanda y e duracion di e acuerdo. Y esey ta hustifica e relacionnan di igualdad dentro di Reino.

Den e ultimo dos dianan a traha hopi pa concretisa e acuerdonan. E acuerdonan lo ta concretisa p’e ekiponan oficial den e proximo periodo. Ta spera pa firma un acuerdo mutuo definitivo na principio di maart di 2023.

E cuater paisnan a acorda cu na februari di 2023 lo cuminsa cu consulta riba e prestamonan di e paisnan cu Hulanda, cu ta vence dia 10 di october 2023 cu a otorga durante e crisis di Corona.

Tambe a debati e situacion di e resolucion di ‘Geschillenregeling’. E paisnan ta spera e opinion di e parlamentonan y di Tweede Kamer. Tambe a debati e tema di deficit democratico y un posibel siguimento di e aplicacion dje mocion di Van Raak. Den e contexto aki, e paisnan a acorda pa organisa un Conferencia di Reino.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.