WILLEMSTAD – Un total di 4 cantante di Aruba ta participa e aña aki den e festival di Tumba di Corsou. Diadomingo tabatin registracion di e cantantenan y a resulta cu un cantidad hopi abou a registra e aña aki, cu ta 49. Pa loke ta e cantantenan di Aruba, nan ta Chendell Beaumont, Jeanchris Jair ‘Buddy Love’ Vesprey,Roderick ‘Rocco’ Franken cu ta wordo acompaña pa e grupo di Aruba Buleria, cu lo compaña Irving ‘Luwi’ Jano tambe di Corsou cu na 2018 a sali Rey di Tumba, acompaña caba pa Buleria. Y tin tambe Jurick Salomon cu lo wordo acompaña pa Highway Band y ta participa riba e prome anochi. Aruba su representantenan lo ta participando riba e ultimo anochi, cu ta diaranson anochi dia 25 di Januari 2023 (Dia di Betico na Aruba) den Festival Center.
