E organisacionnan ambiental ta dispuesto di duna conseho na gobierno. Den pasado nan a haci esey. Por mira cu esun a percura miho pa medio ambiente tabata Nelson Oduber y no Ursell Arends.
Milton Ponson, presidente Rainbow Warriors Core Foundation Aruba, a indica cu nan no ta manera Greg Peterson cu ta stroba y ta critica so. Den pasado nan a yuda pone e planta unda e ta. Tambe a yuda haya financiamento via KABNAA (Kabinet voor Nederlands-Antilliaanse en Arubaanse Zaken) pa yen di proyecto y gobierno tabata consciente di esey. E tempo ey minister presidente Nelson Oduber a mustra un tipo di gobernante diferente cu partido MEP.
Loke tin awo den gobernacion di MEP, no ta yega ni cerca. MEP tabata dispuesto di a haci e boluntad politico cu tabatin den aña nobenta. E gobierno aki ta mustra tambe cu nan no tin e capacidad pa maneha Aruba den un situacion di crisis y recupera fo’i e situacion di pandemia. Mas ainda deal cu e retonan cu e cambionan drastico cu tin na mundo, cambio climatico y e situacion global financiero.
E situacion di recesion inminente global ta bay haci cu gobierno tin di bay sinta cu tur stakeholder na mesa pa soluciona problema. Segun Ponson, e terkedad di gobierno pa no deal cu e stakeholders cu por contribui na yuda soluciona problema y bin cu plan concreto, cu Gobierno Hulandes ta bisa cu esakinan ta haci debidamente cu consenso di tur hende y ta bay financia. Gobierno ta opta pa no haci esey y consecuentemente problema ta keda riba mesa. Nan ta birando dia pa dia pio y duna impacto negativo riba turismo.
Pa mas lesa TREMPAN.COM.
