fbpx
January 28, 2023

Wever-Croes: Tin cu busca manera pa legalisa locual no tin permiso di DIP

Share on Facebook
Share on Whatsapp
0
0
Minister Presidente Wever-Croes: Tin cu busca manera pa legalisa locual no tin permiso
Minister Presidente Wever-Croes: Tin cu busca manera pa legalisa locual no tin permiso


Parlamentario di MEP, Alvin Molina, a yega di trece dilanti riba e maneho di DIP, unda cu comercio ta keda stroba. A yega di haci esey c’un empresario pariba di brug, pero den fin di siman cu Big Mama Grill ta den un impasse cu DIP. E situacion aki ta halando atencion y p’esey minister presidente a indica cu mester trece ordo den desordo cu tabatin.

mr. Evelyn Wever-Croes, minister presidente, a splica cu DIP ta un di e departamentonan cu ta pasando den hopi problema y complicacion. E mandatario a indica cu e corupcion na gran escala a pasa bou dje Ministernan di Infrastructura prome cu ne. Incluso el a punta riba e echo cu tanto Benny Sevinger como Marisol Lopez-Tromp y Otmar Oduber, kendenan tabata Minister di Infrastructura, ta sospechoso. Tur ta investigacion den di DIP, cu a manca e departamento.

E asunto tin atencion dje mandatario. Segun Wever-Croes, e mester a depolitisa DIP na momento cu el a tuma over e cartera. El a depolitisa DIP pasobra e linea facil cu tabatin, por ehempel Marisol Lopez-Tromp cu ta bou investigacion, entre e minister y departamento of cu nan a mal uza, a pone cu mester a corta esey.

E departamento ta depolitisa y esey ta significa cu e minister no tin decision mas di tuma ken ta haya of no tereno, ken ta haya of no ta haya permiso, ken ta excepcion. Di otro banda, DIP no a logra ainda cu e mes por carga e responsabilidadnan cu e mester carga ora un minister no ta carg’e mas. Segun e mandatario, n’e parti ey nan ta.

Recientemente a cuminsa c’un otro investigacion y asina nan ta sigui den DIP, segun Wever-Croes. Nan a haya instruccion fo’i gobierno pa traha e manehonan, ehecuta nan na e manera cu ta miho pa Aruba.

Pa mas lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.