fbpx
January 28, 2023

Grupo Champagne cu tema di Broadway pa Carnaval 69

Share on Facebook
Share on Whatsapp
0
0
Grupo Champagne cu tema di Broadway pa Carnaval 69
Grupo Champagne cu tema di Broadway pa Carnaval 69


Carnaval tabata para pa dos aña, pero Champagne Carnival Group a sigui traha tras di cortina pa asina haya fondo pa asina cu a haya luz berde, nan tabata cla pa subi caya. 

Directora di Grupo Champagne, p’e ultimo 25 añanan, Lienchi Merryweather a splica cu  nan a sigui traha, pa asina nada cay di sorpresa. Manera cu a anuncia cu Carnaval ta sigui, ya caba nan tabata tin e tema di e aña prome. Pero door cu a esaki ta e di 25 aña di Grupo Champagne, nan tabata delibera si ta sigui toch cu e tema di Broadway of si ta cambia di tema. Ora cu decision a cay cu ta sigui cu e mesun tema, e ora nan a cuminsa traha riba loke ta tela, planifica y sinta cu e seccionnan. Esaki tabata un push cu nan tabata tin mester for di nan participantenan y tambe e seccionnan cu ta un parti hopi importante di Grupo Champagne. 

FAKKEL

Pa loke tabata fakkel, Grupo Champagne a cuminsa hopi trempan cu ne y a dicidi di keda cu mesun tema pa fakkel. E ora a cuminsa pensa den ki direccion pa bay cu e tema di Broadway pa fakkel. Nan a bay den direccion di e yellow cab, cu ta e taxinan geel cu bo ta wak tur caminda ora cu yega New York, pa hibabo Broadway. Asina e tema ‘Take me to Broadway in a yellow cab’ a nace. Asina nan a cende nan mecha di Carnaval cu porcierto, un siman prome cu december a cuminsa, ya caba tabata sold out.  Tabata un grupo record cu nan a bay cu ne Fakkel. 

E gruponan ta traha super duro y semper tin algo cu por bay robes. Ta un responsabilidad grandi y mester zorg pa drecha e fout. Ora cu ta prepara un grupo grandi, cu 65 boluntario cu ta yuda den e grupo y e importancia di e boluntarionan ta door cu e ta un trabou hopi grandi ora cu tin  grupo grandi riba caminda. P’esey asina hopi boluntario, ya cu si uno cansa, otro por tuma nan luga. E ta un sistema di rotacion. 

BROADWAY SHOW

Lider di Grupo Champagne a splica cu pa e paradanan, nan lo habri e paradanan c’un Broadway Show, cu nan reina hubenil, Sheqayli Ascencion “Shiki”. Merryweather a splica cu como grupo, nan ta bezig ta preparando ful un show di Broadway pa asina subi caminda den e proximo paradanan y patras den e massa nan lo concentra riba e ‘yellow cab’ cu ta asina famoso na New York. 

MENSAHE

Na final, Lienchi Merryweather a pidi pa tur hende ta gosa di nos Carnaval sanamente, ya cu un biaha mas tin e oportunidad di gosa. Ban sea civico, ban modera riba e alcohol, corda riba e chikitonan cu no mester ta riba e ruta, laganan na cas. Pero ban apoya esunnan mas grandi pa aporta den nos carnaval di mucha.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.