Centrale Inkoop di e Ministerio di Gobernacion, Planificacion y Servicio Publico pronto ta cuminsa cu e sesionnan consultativo cu ta hiba e nomber “Consulta di mercado” di Corsou. Cu e consulta di mercado aki e departamento (CI) di gobierno kier haya un bista di e producto y servicionan moderno cu mercado ta ofrece riba e area di siguridad y servicionan di vigilancia.
Tambe nan kier sa ken ta esunnan cu ta forma parti di e mercado aki. Kico nan tin di ofrece na gobierno di Corsou rond di siguridad y vigilancia mas moderno y efectivo. Actualmente gobierno ta busca suministradonan cu ta interesa na ofrece gobierno siguridad en general
y servicionan di vigilancia durante aña 2023 te 2025.
Gobierno di Corsou ta haci esfuerso pa crea un ambiente di trabou sigur y ta desea cu e consulta aki por trece aspecto importante
dilanti. E aspectonan cu ta sostenibel den e Destaho (‘Aanbestedingen’) cu ta propone pa realisa den e area menciona aki.
Adicionalmente e contenido di e investigacion aki mester cumpli tambe cu e cumpramento responsabel di gobierno. Centrale Inkoop di SSO-BPD ta invita tur interesado pa tuma parti na e consulta di mercado aki.
Mester registra prome cu diaranson 18 di januari 2023. Manda un e-mail na [email protected] cu e topico: ‘Aanmelding
marktconsultatie veiligheid en veiligheidsdiensten bij de Overheid” . Compaña cu: Copia certifica di Kamer van Koophandel di Corsou (no mas bieuw cu 3 luna).
Pa mas informacion bay na: https://gobiernu.co/MarktconsultatieSSOinkoop Participacion na e consulta aki no ta mara na niun compromiso y no ta obliga na nada.
