fbpx
January 28, 2023

San Nicolas si ta kere den un refineria

Share on Facebook
Share on Whatsapp
0
0
San Nicolas si ta kere den un refineria
San Nicolas si ta kere den un refineria


San Nicolas Business Association ta di opinion cu; si tin 1% pa e refineria habri, SNBA ta sosten’e! SNBA ta kere den un refineria modular, moderno, eficiente y mas limpi. Ta premira un refineria cu ta procesa entre 100 pa 150 mil bari pa dia. SNBA ta bon na altura cu e ‘storage tanks’ tin placa na nan. E ta spera cu gobierno ta na altura di esey. Locual si SNBA ta premira cu un refineria tradicional lo keda pa pasado, cual ta casi mesun pensamento cu Gobierno di Aruba.

SNBA ta kere fuertemente den expansion di centro di ciudad San Nicolas. Kibra e muraya y dun’e pueblo acceso bek na su beach. Y claro, e refineria den un tamaño mas chikito. “Nos mester di cos pa pasa na San Nicolas”, asina Errol de Freitas, presidente di SNBA a duna di conoce. E no ta un secreto cu caya na San Nicolas ta morto. No tin desaroyo nobo, varios negoshi a cera y casi no tin mucho traficacion den caya. SNBA no kier warda ni un seconde mas, ta boga pa mas desaroyo. Ora mira e refineria, ta wak na un di e miho bahia nan den Caribe. “San Nicolas tin cu eleva, anto AWO!” 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.