Aña nobo, publicacion nobo! Proyecto Idioma den Enseñansa kier comparti e bon noticia cu comunidad di Aruba, cu tin 3 buki digital nobo na Papiamento atrobe pa mucha y hoben. A publica e bukinan aki riba papiamento.aw. Proyecto Idioma ta desea pueblo y specialmente nos mucha y hobennan, un bon aña cu hopi placer di lesamento.
Pa lesa e bukinan, bay na papiamento.aw y click riba Biblioteca > Literatura > Buki pa mucha / Buki pa hoben.
‘E magia di barbulet’, skirbi pa autor Mili Arends, ta pa mucha di 8 pa 10 aña y ta combina storia cu echo fascinante tocante e barbulet Monarca na Aruba.
‘No lubida mi’, skirbi p’e autor local Desiree Croes, ta un storia pa hoben di 16 aña bay ariba cu ta pone bo pensa: tin bida despues di morto? Tin pregunta di reflexion y discusion tambe cu por download pa yuda compronde e storia mas miho.
‘E bolo di batrey magico’, skirbi pa autor Loekie Morales, naci na Corsou y biba na Sint Maarten, ta un obra bilingue (Papiamento cu Hulandes) pa mucha di 10 pa 12 aña. E buki aki ta trece e importancia di herencia cultural y historia padilanti pa medio di e storia di un mucha muhe cu ta biaha bay bek den tempo.
Por lesa e storianan aki riba website di Departamento di Enseñansa tambe: ea.aw.
Pa mas informacion
Pa mas informacion relaciona cu Papiamento por acudi na e website papiamento.aw y/of sigui @PapiamentoAruba via Facebook.
