fbpx
January 28, 2023

Raynar Herrera y Kayleen Petrochi ta prome atleta participante den Proyecto Ami tambe ta Campeon

Share on Facebook
Share on Whatsapp
0
0
Raynar Herrera y Kayleen Petrochi ta prome atleta participante den Proyecto Ami tambe ta Campeon
Raynar Herrera y Kayleen Petrochi ta prome atleta participante den Proyecto Ami tambe ta Campeon


Palabra di pabien sigur ta bay pa e team di Aruba Paralympic Commitee (APC) y team di IBiSA Aruba cu nan colaboracion cu otro den e proyecto “Ami tambe ta campeon!”

Un proyecto cu ta pa stimula e scolnan pa muchanan cu limitacion tambe participa den deporte escolar. E biaha aki e competencia a tuma luga den e siman di 16 -20 januari 2023. Ta di admira e entusiasmo cu e muchanan tin pa participa den deporte pero tambe ta aplaudi e scolnan cu ta keda curasha e muchanan pa participa. Den cuadro di e proyecto “Ami tambe ta campeon” e dos atletanan Raynar Herrera di Colegio Nigel Matthew y Kayleen Petrochi di Scol Soeur Juliette ta e prome atletanan cu ta forma parti di e proyecto aki.

Kayleen ta e prome atleta pa competi den rolstoel pa careda na stadion Guillermo Trinidad. Esaki sigur ta algo di aplaudi y ta un estimulo pa tur otro alumno cu tambe ta den rolstoel participa den deporte. E rolstoel di deporte aki lo ta disponibel pa tur mucha den rolstoel por uza. Cu sosten di e Marlou van Rhijn foundation, APC por a logra haya e stoel aki pa mas mucha na Aruba por uza.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.