Aeropuerto di Schiphol a retira e director responsabel di e operacionnan diario. E director, Hanne Buis, lo bandona e aeropuerto cuminsando dia prome di februari pa motibo di “un diferencia di opinion”.
Buis tabata den e posicion desde prome di juni 2020 y su nombracion tabata te cu dia 31 di mei 2024. Buis conhuntamente cu e hunta di directiva (cu sosten di e hunta di supervision) tabata den un desacuerdo tocante con mester maneha e aeropuerto.
Hopi critica pa rij largo..
Esaki no ta algo chikito como cu e aeropuerto ta bou presion pisa mirando cu tin un cierto cantidad maximo di pasahero cu por bula pa dia. Motibo di esaki ta e falta di personal cu tin na e aeropuerto cu ya na 2022 a causa rij largo pa e control di siguridad.
E situacion aki, entre algun otro cos, a causa e retiro di e director ehecutivo Dick Benschop. Ruud Sondag a asumi e funcion di director ehecutivo interino desde prome di november 2022. Pa un tempo Sondag conhuntamente cu Robert Carsouw ta forma parti di e gerencia.
Sin mas splicacion
E siman aki, e aeropuerto a anuncia cu e limite di pasahero permiti lo vence desde luna di maart. Sinembargo, e aeropuerto ainda no a tribi di duna ningun garantia cu tur cos lo funciona sin ningun problema durante e siguiente vakantie di mei.
Ainda no tin claridad si e diferencia di opinion cu a causa e retiro di Buis ta e decision aki. Un vocero di e aeropuerto a comenta cu ambos partido a acorda pa no duna mas splicacion.
No tin otro opcion
Durante e ultimo simannan, a haci varios intento basta intenso pa drecha e situacion pero a pesar di esfuerso conhunto e esfuersonan no tabatin exito. “Como resultado, e hunta di supervision no a mira otro opcion cu anula e contract cu Hanne Buis”, asina e aeropuerto a duna di conoce den un comunicado di prensa.
Ainda no tin claridad si Buis, cu tabatin contract te cu fin di mei di 2023, lo ricibi e ontslagpremie. E vocero di e aeropuerto no a duna ningun comentario tocante esaki. Na aña 2021, e ultimo aña cu ta dispone di un relato anual, Buis a gana un salario di 377.064 euro.
Buis a traha pa Royal Schiphlol Group durante diesocho aña. Durante e tempo ey el a ocupa varios funcion, manera e “topvrouw” di Lelystad Airport
