P’e Sindicatonan Uni tabata un sorpresa ora a tende minister presidente bisa di no ta sigur cu lo stop e 7.6%. E sindicatonan kier sa kico minister presidente ta bezig cu ne y p’esey nan a manda un carta riba esaki, di cual nan ta spera un contesta pa dia 23 di januari.
Edward Maduro, presidente di SADA, a indica cu a pasa un ley y despues ta bisa cu e 7.6% ta kom te vervallen e aña aki, cu tur cos ta bay 100%. Pero awo den un reuda di prensa minister presidente ta contesta pregunta di prensa cu mester warda riba Rijksministerraad. Den concepto dje sindicatonan, esey ta tipo di cos cu e gobierno aki ta haci, door di bisa un cos awe y mañan otro cos.
Esey a pone cu nan a traha un otro carta y ta duna minister presidente dialuna, 23 di januari, te 3:00 pm pa duna un clarificacion riba su declaracion haci na prensa.
Loading…
Reload document 
Open in new tab No por ta asina cu den e ley ningun caminda ta poni cu e ta bay a base di depende dje decision di Rijksministerraad. Con ta posibel cu algun siman despues cu gobierno a pasa e ley, awo ta bisa cu tin di warda riba Rijksministerraad. Esey ta un pildo cu e sindicatonan no ta bay guli.
Lesa mas den TREMPAN.
