fbpx
January 28, 2023

Cada bes awa yobe: Desde 2021 slak ta invadi cas na Montana

Share on Facebook
Share on Whatsapp
0
0
Cada bes awa yobe: Desde 2021 slak ta invadi cas na Montana
Cada bes awa yobe: Desde 2021 slak ta invadi cas na Montana


Na Montana, Dakota, un cas tin dos aña invadi pa slak venenoso. Nan a cuminsa haya problema di dje desde momento cu awa a cuminsa yobe hopi. Tur ora nan tin problema cu e bestia aki, specialmente ora awa yobe.

A purba di elimina e bestia aki na diferente manera, pero no a logra. Nan a acerca diferente instancia pa ayudo. E problema a cuminsa na 2021 y momento cu awa yobe hopi, e bestianan aki ta bin hopi.

Nan a tuma contacto cu DVG, Santa Rosa, incluso a papia cu Kevin Peterson, kende tabata director di City Inspector. Aña pasa na november Peterson a contact’e riba e situacion y aki doño di cas a inform’e cu e situacion a bira pio.

Unda e famia aki ta biba, patras di nan cas tin un rooi y e bestianan aki ta sali fo’i tera ora awa yobe. Segun e doño, cu nan a yega di splica riba e echo cu e ta peligroso, pasobra nan tin yiu y ta hunga pafo. No por mata e bestianan aki. Nan a tira salo riba e slaknan, no a yuda.

Momento cu awa yobe, hopi ta sali y subi e murayanan. Loke nan ta haya straño ta cu nan ta invadi e cas aki so. Pero awo den e barionan ta haya e bestianan aki tur caminda, dilanti dje casnan. Segun e doño di cas, e mes a inverti hopi placa pa rosa patra’i su cas, cual no ta su tereno y pa mantene e area limpi.

A informa DOW riba e asunto aki, puntrando kico nan por haci, ya cu nan tambe mester wak si nan tin di rosa pa mantene e area limpi. Pero no ta haci nada. E habitante ta sumamente frustra cu e situacion, pasobra a manda hopi carta, e buracrecia, un ta manda bo un banda, otro ta manda bo otro caminda. Tur ta bin papia bunita, pero ningun ta haci algo. E ta haya cu e por ta peligroso p’e muchanan.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.