fbpx
January 28, 2023

Gobierno a contesta sindicatonan. ‘Ta sindicatonan no a reacciona na december’

Share on Facebook
Share on Whatsapp
0
0
Gobierno a contesta sindicatonan. ‘Ta sindicatonan no a reacciona na december’
Gobierno a contesta sindicatonan. ‘Ta sindicatonan no a reacciona na december’
Gobierno a contesta sindicatonan. ‘Ta sindicatonan no a reacciona na december’
Posted on 01/22/2023 4:16 pm AST | Updated on 01/22/2023 4:17 pm AST

ORANJESTAD – Gobierno (lesa: prome minister Evelyn Wever-Croes:red) a contesta sindicatonan diadomingo riba nan ‘menasa’ di diabierna pa hiba gobierno corte. Un di e menasanan tabata cu kier pa gobierno para e prestatiemanagement, y reuni prome cu sindicatonan. Segun gobiern, ta sindicatonan no a reacciona na December ora cu nan a wordo invita dia 22 di December ultimo. Y mes momento a bolbe invita e sindicatonan pa sinta cu nan. No ta conoci si, si esaki ta nifica cu lo para e introduccion di e sistema, for di 1 di januari ultimo. 

CAMBIO

Gobierno a recorda cu den aparato gubernamental no tin un forma uniforme pa evalua empleadonan. Esaki awor a cambia y entrante 1 di januari 2023 Aruba ta conoce un sistema uniforme di evaluacion cu yama “Prestatiemanagement”. 

E SISTEMA

Segun gobierno, cu e sistema aki “prestatiemanagement”, por evalua funcionamento di tur empleado y director, y por haci e proceso di promocion cana mucho mas liher. ‘Un di e metanan pa finansas publico sostenibel y pa Aruba sali di debenan ta, cu e aparato publico mester funciona mas eficiente y mester baha gasto di entre otro personal. E sistema di evaluacion aki ta parti di e proceso’, Prome Minister Evelyn Wever-Croes a indica. 

SINDICATONAN A EXPRESA NAN PREOCUPACION CU E SISTEMA AKI 

Prome Minister a sigura cu atraves di un carta ricibi di sindicatonan, a tuma nota di nan preocupacionnan pa cu e sistema aki. Por medio di un carta tambe 22 di december (aña pasa:red) , Prome Minister Wever – Croes a contesta e sindicatonan y elabora riba tur nan preocupacionnan. Ademas a haci un invitacion habri pa nan, den caso cu nan tin necesidad di reuni, sinembargo no a tende nada mas di nan. Mirando cu ainda nan ta expresa di tin preocupacion Prome Minister ta ripiti e invitacion habri aki.

 

Por ultimo Premier Wever – Croes a bisa: “Nos tin cu tene na cuenta tambe cu e ehempel y e mensahe cu nos kier duna comunidad, nos studiantenan na Universidad, nos generacion di awe y futuro, specialmente den e fase di recuperacion cu nos pais ta aden. Mi ta convenci cu nos tur tin e mesun meta: un aparato gubernamental cu ta funciona bon y den cual derecho di tur empleado publico ta wordo respeta y salvaguardia. Y mi tin tur confiansa cu nos lo logra, si nos traha hunto y cu un actitud positivo,” Prome Minister Evelyn Wever-Croes a duna di conoce.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.